మెగా హీరోలతో వరుస సినిమాలు చేయడం తనకెంతో కలిసి వస్తుందని యువ కథానాయిక రకుల్ ప్రీత్సింగ్ ఆనందం వ్యక్తం చేసింది. వాళ్ల కళ్లల్లో ఏదో మ్యాజిక్ ఉంటుందని చెప్పిన రకుల్.. వైష్ణవ్ తేజ్తో కలిసి క్రిష్ దర్శకత్వం వహించిన 'కొండపొలం' చిత్రంలో నటించిన అనుభవాన్ని వెల్లడించింది. గ్రామీణ ప్రాంత అమ్మాయిగా, అందులోనూ గొర్రెలు కాసే యువతిగా నటించడం మరిచిపోలేని జ్ఞాపకాన్ని మిగిల్చిందని చెప్పింది. వైష్ణవ్ తేజ్తో కలిసి ప్రత్యేక ఇంటర్వ్యూలో పాల్గొన్న ఈ ముద్దుగుమ్మ ఈ విషయాల్ని చెప్పుకొచ్చింది.
"ఈ సినిమాలోని ఆ భాష స్లాంగ్ మాట్లాడటం అంత ఈజీ కాదు. ఈ మూవీ కోసం ఎంతో ఆసక్తిగా ఎదురుచూస్తున్నా. రెస్పాన్స్ బాగా వస్తుంది. నాది చాలా మంచి పాత్ర. ఎంతో ప్రేమగా ఉంటుంది. ఈ రోల్లో నటించేందుకు గొర్రెల కాపరి వాళ్ల వీడియోలను చూశా. వారి బాడీలాంగ్వేజ్ నేర్చుకున్నా. ఇలాంటి సినిమా ఇప్పటివరకు చూసి ఉండరు. దర్శకుడు క్రిష్తో పనిచేయడం చాలా ఆనందంగా ఉంది. ఆయన చాలా తెలివైన వ్యక్తి. తన దగ్గర నుంచి చాలా విషయాలు నేర్చుకున్నా. మళ్లీ మళ్లీ ఆయనతో సినిమాలు చేయాలని ఉంది."
-రకుల్ ప్రీత్ సింగ్, హీరోయిన్.
"ఈ సినిమా కోసం నేను కూడా ఎంతో ఆసక్తిగా ఎదురుచూస్తున్నా. విభిన్న కథలను ఎంచుకోవడం అలా జరిగిపోతుంది. రెండో సినిమాకే క్రిష్తో పనిచేయడం అదృష్టంగా భావిస్తున్నా. ఆయనకు కృతజ్ఞతలు. ఈ చిత్రం, అందులోని నా పాత్ర డిఫరెంట్గా ఉంటుంది. స్పీడ్గా ఎలా పనిచేయాలి, ఇంకా చాలా విషయాలు రకుల్ నుంచి నేర్చుకున్నా."
-వైష్ణవ్ తేజ్, హీరో
నల్లమల అడవుల్లో గొర్రెల కాపరుల జీవితాల నేపథ్యంగా తెరకెక్కింది 'కొండపొలం' సినిమా. దర్శకుడు క్రిష్ ఈ మూవీని రూపొందించారు. సాయిబాబు జాగర్లమూడి, రాజీవ్‌రెడ్డి నిర్మించారు. ఎం.ఎం.కీరవాణి స్వరకల్పన చేసిన ఈ సినిమా ఈ నెల 8న ప్రేక్షకుల ముందుకు వస్తోంది.
ఇదీ చూడండి:
