The Family Man 2: సమంత క్షమాపణలు చెప్పాలి

author img

By

Published : Jun 9, 2021, 3:21 PM IST

samantha

'ది ఫ్యామిలీ మ్యాన్ 2'(The Family Man 2) తమిళ ప్రజల మనోభావాలను ఇబ్బందిపెట్టేలా ఉందని, ఇలాంటి సిరీస్‌లో నటించినందుకు సమంత(Samantha) క్షమాపణలు చెప్పి తీరాలని సీనియర్​ నటుడు మనోబాల డిమాండ్​ చేశారు. ఇలాంటి కథను ఒప్పుకొనే ముందు సామ్​ ఆలోచించాల్సిందని అభిప్రాయపడ్డారు.

అగ్రకథానాయిక సమంత అక్కినేని కోలీవుడ్‌ ఆడియన్స్‌కు క్షమాపణలు చెప్పాలని సీనియర్‌ నటుడు మనోబాల డిమాండ్‌ చేశారు. ఆమె ప్రధాన పాత్రలో నటించిన 'ది ఫ్యామిలీ మ్యాన్ 2'(The Family Man 2) వెబ్‌సిరీస్‌ ఇటీవల అమెజాన్ ప్రైమ్‌ వేదికగా విడుదలై ప్రేక్షకుల్ని ఎంతగానో అలరిస్తోంది. అయితే, ఈ సిరీస్‌ తమిళ ప్రజల మనోభావాలను కించపరిచేలా ఉందని పేర్కొంటూ ఇప్పటికే పలువురి నుంచి విమర్శలను అందుకుంది. తాజాగా 'ది ఫ్యామిలీ మ్యాన్ 2' వివాదం గురించి నటుడు మనోబాల స్పందించారు. ఓ ఆంగ్ల పత్రికకు ఇచ్చిన ఇంటర్వ్యూలో ఆయన దీనిపై స్పందిస్తూ.. పలు కామెంట్లు చేశారు.

"'ది ఫ్యామిలీ మ్యాన్ 2' సిరీస్‌ తమిళ ప్రజల మనోభావాలను ఇబ్బందిపెట్టేలా ఉంది. ఇలాంటి సిరీస్‌లో నటించినందుకు సమంత(Samantha) తప్పకుండా క్షమాపణలు చెప్పితీరాలి. రాజీ పాత్ర విషయంలో కూడా చిత్రబృందం సామ్‌ను మోసం చేసింది. ఒక పోరాటయోధురాలిగా ఆమెకు ఈ పాత్ర గురించి వర్ణించినప్పటికీ.. ఈలం పోరాటం క్షీణత తెలియజేసే విధంగా దీన్ని చిత్రీకరించారు. ఇలాంటి కథను ఒప్పుకొనే ముందు సమంత ఇంకొంత ఆలోచించాల్సింది. సామ్‌ క్షమాపణలు చెప్పినా సరే.. చిత్రబృందం పూర్తి బాధ్యత తీసుకునే వరకూ సిరీస్‌కు వ్యతిరేకంగా మేము పోరాటం చేస్తూనే ఉంటాం."

-మనోబాల, సీనియర్​ నటుడు.

ఇందులో రాజీ పాత్ర పోషించినందుకుగానూ సమంతకు రూ.3-4 కోట్లు ఇచ్చారని సమాచారం. శ్రీకాంత్ తివారీగా ప్రధాన పాత్రలో నటించిన మనోజ్ భాజ్​పాయ్​కు రెండు సీజన్లకు కలిపి అత్యధికంగా రూ.10 కోట్లు చెల్లించినట్లు తెలుస్తోంది.

రాజ్ - డీకే సంయుక్తంగా దర్శకత్వం వహించిన ఈ సిరీస్​.. తొలి సీజన్​ కశ్మీర్ ఉగ్రవాదం కథాంశంతో తెరకెక్కించగా, రెండో భాగాన్ని తమిళ రెబల్స్ ఆధారంగా రూపొందించారు. అమెజాన్ ప్రైమ్​లో ఈ సీజన్​ అందుబాటులో ఉంది.

ఇదీ చూడండి: The Family Man 2: సమంత రెమ్యునరేషన్ అన్ని కోట్లా?

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.