akhanda audience reaction: బోయపాటి-బాలకృష్ణ కాంబోలో సినిమా గురించి ప్రత్యేకంగా చెప్పనక్కర్లేదు. థియేటర్లలో ప్రేక్షకులకు పూనకాలు వస్తాయి! థియేటర్లు బాలయ్య డైలాగ్లతో దద్దరిల్లిపోతాయి. ఇప్పుడదే జోరును కొనసాగిస్తోంది వీరి కాంబినేషన్లో వచ్చిన కొత్త సినిమా 'అఖండ'. నేడు(గురువారం) విడుదలైన ఈ మూవీ ప్రేక్షకులు, అభిమానుల చేత ఈలలు వేయిస్తూ సూపర్హిట్ టాక్ను సొంతం చేసుకుంది. థియేటర్ నుంచి బయటికి వస్తున్న ప్రేక్షకులు.. 'సినిమా అదిరిపోయింది' అంటూ హర్షం వ్యక్తం చేస్తున్నారు. యూత్, ఫ్యామిలీ ప్రతిఒక్కరూ సినిమాపై ప్రశంసలు కురిపిస్తున్నారు. మాస్ అంశాలు పుష్కలంగా ఉన్నాయని, బాలయ్య నటన, గెటప్ సూపర్ అంటూ ఈలలు వేస్తున్నారు. శ్రీకాంత్, జగపతిబాబు నటన కూడా అదిరిపోయిందని అంటున్నారు. ముఖ్యంగా 'జై బాలయ్య పాట', అఖండ పాత్రలో బాలయ్య నటన, సంగీత దర్శకుడు తమన్ అందించిన బ్యాక్గ్రౌండ్ మ్యూజిక్కు అదిరిపోయే రెస్పాన్స్ వస్తుంది. సంక్రాంతి పండగ ముందే వచ్చేసిందని అంటున్నారు. బాలయ్య ఫ్యాన్స్ థియేటర్స్ బయట టపాసులు కాలుస్తూ పండగ చేసుకుంటున్నారు.
కొంతమంది ప్రేక్షకులు చెప్పిన మాటలు
'బాలయ్య నటన, గెటప్, డైలాగ్స్, డ్యాన్స్, ఫైట్ అదిరిపోయాయి', 'అఘోర' యాక్షన్ అదిరిపోయింది, 'సినిమా మళ్లీ చూడాలనిపిస్తుంది' అని ప్రేక్షకులు అంటున్నారు.
"మూవీ బ్లాక్బాస్టర్ హిట్. కరోనా తర్వాత తెలుగు ఇండస్ట్రీకి చాలా పెద్ద హిట్ వచ్చింది. ఎంతో హ్యాపీగా ఉంది. థియేటర్లో ఖాళీ లేదు. అంతకుముందు బోయపాటి-బాలకృష్ణ కాంబోలో వచ్చిన సినిమాలకు దీటుగా ఉంది. ఫుల్ ఎంజాయ్ చేస్తారు."
-ఓ ప్రేక్షకుడు.
"గూస్ బంప్స్ వస్తున్నాయి. బాలయ్య డైలాగ్ డెలివరీ అదిరిపోయింది. ఈ 20ఏళ్లలో థియేటర్ దగ్గర బాలయ్య సినిమాకు ఇంతమందిని చూడలేదు."
-ఓ లేడీ ఫ్యాన్.
"చాలా ఎమోషన్గా ఉంది. నాకు మంచి వేషం ఇచ్చారు. సినిమా సూపర్ డూపర్ హిట్. సింహ, లెజెండ్కు మించిన సినిమా. అఖండ క్యారెక్టర్ చాలా అబ్బురపరిచింది. శ్రీకాంత్ గారి క్యారెక్టర్ అదిరిపోయింది."
-ఈ సినిమాలోని నటుడు.
ఈ సినిమాలో బాలయ్య సరసన ప్రగ్యా జైస్వాల్ హీరోయిన్గా నటించింది. విలన్గా శ్రీకాంత్ నటించారు. పూర్ణ కీలక పాత్రలో కనిపించారు. ఈ మూవీకి తమన్ సంగీతమందించగా, బోయపాటి శ్రీను దర్శకత్వం వహించారు. మిర్యాల రవీందర్ రెడ్డి నిర్మించారు.
- " class="align-text-top noRightClick twitterSection" data="">
ఇదీ చూడండి:
Akhanda review: బాలయ్య 'అఖండ' ట్విట్టర్ రివ్యూ
