Whatsapp Latest Update: దిగ్గజ మెసెంజర్ వాట్సాప్.. ఎప్పటికప్పుడు యాప్ను అప్డేట్ చేస్తూ వినియోగదారులకు సరికొత్త ఫీచర్లను అందిస్తుంది. ఈ నేపథ్యంలో మరో అప్డేట్ను అందుబాటులోకి తీసుకురానుంది. ఇప్పటికే వాట్సాప్లో ఉన్న డిసప్పీయరింగ్ ఫీచర్కు మరిన్ని మెరుగులు దిద్దింది. ఇప్పటి వరకు కేవలం నిర్ణీత కాల వ్యవధితో మాత్రమే మెసేజ్లు అటోమేటిక్గా డిలీట్ అయ్యేవి. అయితే వాట్సాప్ త్వరలో తీసుకురానున్న ఫీచర్తో వాటి కాల వ్యవధి మరింత కుదించడంతో పాటు పొడిగించనుందని 'ది వర్జ్' అనే సంస్థ తెలిపింది.
వాట్సాప్లో మెసేజ్లు ఆటోమేటిక్ డిలీట్ అవ్వాలి అంటే.. యూజర్, కాంటాక్ట్ లేదా గ్రూప్ ఇన్ఫోలోకి వెళ్లి డిసప్పీయరింగ్ ఆప్షన్ను ఎంచుకోవాలి. ఇలా చేస్తే మెసేజ్లు 7 రోజుల తరువాత ఆటోమేటిక్గా డిలీట్ అవుతాయి. అయితే వాట్సాప్ తాజాగా తీసుకువస్తున్న ఫీచర్తో ఆ 7 రోజులుగా ఉన్న ఆప్షన్ను 24 గంటలకు కుదించుకోవడంతో పాటు 90 రోజుల వరకు పెంచుకునే అవకాశాన్ని కల్పించింది. దీంతో ఎంచుకున్న సమయం తర్వాత మెసేజ్లు ఆటోమేటిక్గా డిసప్పీయర్ అయ్యేలా వీలు కల్పించింది. దీనికోసం యూజర్స్ డిసప్పీయరింగ్ ఆప్షన్ను క్లిక్ చేస్తే... వచ్చే ఈ మూడు ఆప్షన్స్లో ఏదో ఒక దానిని ఎంచుకోవాలి.
ఈ కొత్త ఫీచర్ 'వన్ టూ వన్' చాట్తో పాటు గ్రూప్కు కూడా వర్తిస్తాయిని సంస్థ తెలిపింది. ఈ డిసప్పీయరింగ్ మెసేజెస్ అనే ఆప్షన్ను వాట్సాప్ గతేడాది నవంబర్లో తీసుకొచ్చింది.
ఇదీ చూడండి: శాటిలైట్ ఇంటర్నెట్ కనెక్షన్ కావాలా? ఏడాదికి రూ.లక్షన్నర కట్టాల్సిందే!
