Orion Capsule NASA : చంద్రుడిపైకి వ్యోమగాములను పంపేందుకు సన్నాహాకంగా.. అమెరికా అంతరిక్ష సంస్థ నాసా పంపిన అర్టెమిస్​ మిషన్​ 1 మానవరహిత 'ఓరియన్ కాప్య్సూల్‌' చంద్రుడిని చేరుకుంది. చంద్రుడి వెనకవైపు కక్ష్యలో 80 మైళ్ల దూరానికి చేరింది. సిబ్బంది కాప్య్సూల్‌, మూడు డమ్మీలు చంద్రుడి వెనకవైపునకు దూరంగా వెళ్లాయి. ఐతే కక్ష్యలోకి ప్రవేశించినపుడు అరగంట సమయం సమాచారం నిలిచిపోయింది. ఈ నేపథ్యంలో చంద్రుడి ముందు భాగానికి కాప్య్సూల్‌ తిరిగి వచ్చేవరకూ.. ఇంజన్‌ ఫైరింగ్ సరిగా ఉందో లేదో హూస్టన్‌లోని కంట్రోల్‌ కేంద్రానికి తెలియలేదు.

ఓరియన్ కాప్య్సూల్, భూమి

చంద్రుడి వెనక నుంచి ఒరాయన్‌ బయటకు వచ్చిన తర్వాత అందులో ఉన్న కెమెరాలు భూమికి చిత్రాలను పంపినట్లు ఫ్లైట్‌ డైరెక్టర్‌ జెబ్ స్కోవిల్లె తెలిపారు. అందులో నీలి చుక్క చుట్టూ చీకటిగా ఉన్నట్లు పేర్కొన్నారు. ఇంజన్‌లో అన్ని సక్రమంగా ఉంటే శుక్రవారం మరోసారి.. ఇంజన్‌ను మండిస్తామని చెప్పారు. వచ్చే వారాంతంలో ఓరియన్ భూమికి నాలుగు లక్షల కిలోమీటర్ల దూరం చేరుకుని 1970లో అపోలో 13 నెలకొల్పిన రికార్డును బద్దలు కొడుతుందని వివరించారు. ఆ తర్వాత చంద్రుడి కక్ష్యలోనే వారం రోజులు తిరగనున్న ఓరియన్.. తర్వాత భూమికి చేరుతుంది. డిసెంబరు 11న పసిఫిక్ సముద్రంలో.. ఓరియన్​ను దించేందుకు ప్రయత్నించనున్నారు. మరో ప్రయోగం తర్వాత చంద్రుడిపైకి వ్యోమగాములను నాసా దించనుంది.

ఓరియన్ కాప్య్సూల్ తీసిన చంద్రుడి ఫొటో

ఓరియన్ కాప్య్సూల్

ఇవీ చదవండి : వాట్సాప్​లో మరో కొత్త ఫీచర్​.. డెస్క్​టాప్​లో యాప్​ ఓపెన్​ చేయాలంటే పిన్ తప్పనిసరి

ఇక సెల్​ఫోన్​లోనే టీవీ!.. త్వరలో డైరెక్ట్​-టు-మొబైల్​ ప్రసారాలు.. దిల్లీలో పైలట్ ప్రాజెక్ట్​గా..