LIVE : వనపర్తిలో పొంగులేటి, జూపల్లి​ ఆత్మగౌరవ సభ

వనపర్తి జిల్లాలో నిర్వహిస్తున్న ఆత్మ గౌరవ సభలో ఖమ్మం జిల్లా మాజీ ఎంపీ పొంగులేటి శ్రీనివాస్​ రెడ్డి, మాజీ మంత్రి జూపల్లి కృష్ణారావు పాల్గొన్నారు. వారి ఇరువురు బీఆర్​ఎస్​పై అసంతృప్తితో ఇటీవల పార్టీ నుంచి బయటకు వచ్చి.. వ్యతిరేక గళాన్ని వినిపించారు. అంతటితో ఆగకుండా వారి వారి నియోజకవర్గాల్లో ఆత్మీయ సమ్మేళనాల పేరుతో సభలు నిర్వహించి.. బీఆర్​ఎస్​పై, కేసీఆర్​పై నిప్పులు చెరుగుతున్నారు. కేసీఆర్​ను గద్దె దించడమే లక్ష్యంగా తమ ప్రయాణం ఉంటుందని జరిగిన ప్రతి సభలో పొంగులేటి, జూపల్లి చెప్పేవారు.

తాము ఎటువైపు ఉంటే ఆ పార్టీదే అధికారం అని ప్రచారం కూడా చేశారు. ఇటీవల బీజేపీ నాయకులు పొంగులేటి ఇంట్లో శ్రీనివాస్​ రెడ్డి, జూపల్లితో సమావేశమయ్యారు. వారు ఇరువురుని బీజేపీలో చేర్చుకునేందుకు కసరత్తులు కూడా చేశారు. అందుకు వారు తమకు తగిన సమయం కావాలని బహిరంగంగానే తెలియజేశారు. ఇవాళ వనపర్తిలో ఇరువురు నేతలు ఆత్మ గౌరవ సభ ఏర్పాటు చేశారు. ఈ సభకు ఇరువురు నేతల అభిమానులు భారీగా హాజరయ్యారు.