LIVE : మంత్రి వర్గ సమావేశ నిర్ణయాలను వెల్లడిస్తున్న మంత్రులు హరీశ్​రావు, గంగుల

సీఎం కేసీఆర్​ అధ్యక్షతన నూతన సచివాలయంలో రాష్ట్ర మంత్రివర్గ సమావేశం ముగిసింది. దాదాపు మూడు గంటలపాటు సాగిన సమావేశం జరిగింది. మంత్రి వర్గంలో తీసుకున్న నిర్ణయాలను మరికాసేపట్లో మంత్రులు హరీశ్​రావు, గంగుల కమలాకర్​ వెల్లడించనున్నారు. కొత్త సచివాలయం నిర్మించిన తర్వాత జరుగుతున్న.. తొలి భేటీగా ఈ సమావేశం నిలువనుంది. ఈ సందర్భంగా సీఎం కేసీఆర్​ కొన్ని ముఖ్యమైన విషయాలపై చర్చించే అవకాశం ఉంది. రాష్ట్ర అవతరణ దశాబ్ది ఉత్సవాలపై ప్రధానంగా చర్చించనున్నారు. 

పోడు పట్టాలు, గృహలక్ష్మి, ఇళ్ల పట్టాల పంపిణీ, ఇతర అంశాలపై కూడా చర్చ జరగనుంది. ఈ ఏడాది చివరన జరిగే రాష్ట్ర శాసనసభ ఎన్నికల సన్నాహక ప్రణాళికపై కేబినెట్​లో చర్చించే అవకాశం ఉంది. గతంలో తీసుకున్న నిర్ణయాలకు మంత్రివర్గ సమావేశంలో ఆమోద ముద్ర వేయనున్నారు. అలాగే గవర్నర్​ తిరస్కరించిన బిల్లులపై ఈ భేటీలో చర్చించే అవకాశం ఉన్నట్లు తెలుస్తోంది. అలాగే జూన్​2 నుంచి 21 రోజుల పాటు రాష్ట్రాభివృద్ధి దశాబ్ది ఉత్సవాలను నిర్వహించనున్నారు.