LIVE : హుస్నాబాద్‌లో మంత్రి హరీశ్‌రావు రోడ్ షో - ప్రత్యక్షప్రసారం

Harishrao LIVE : తెలంగాణలో ఎన్నికల సమయం దగ్గరకు వస్తున్న క్రమంలో రాజకీయ పార్టీలన్నీ ప్రచారంలో మునిగిపోయాయి. రాష్ట్రంలో బీఆర్ఎస్​ పార్టీ మళ్లీ అధికారాన్ని ఛేజిక్కించుకోవడానికి పలు వ్యూహాలను రచిస్తోంది. ఇప్పటికే బీఆర్ఎస్‌ ఎమ్మెల్యే అభ్యర్థులు ప్రచారంలో దూసుకుపోతున్నారు. మరోవైపు సీఎం కేసీఆర్ ప్రజా ఆశీర్వాద సభలతో.. రాష్ట్రవ్యాప్తంగా సుడిగాలి పర్యటనలు చేస్తున్నారు. అలానే మంత్రులు కేటీఆర్​, హరీశ్​రావు ప్రచారంలో భాగంలో రోడ్​షోలతో పలు జిల్లాలను చుట్టేస్తూ హోరెత్తిస్తున్నారు. 

కేసీఆర్​ను హ్యాట్రిక్​ ముఖ్యమంత్రిగా చేయడమే తమ లక్ష్యంగా​ ముందుకు సాగుతున్నారు. ప్రచారం, పోల్‌ మేనేజ్‌మెంట్‌, చేరికలు సహా గెలుపును ప్రభావితం చేసే ఏ ఒక్క అంశాన్ని వదిలి పెట్టడం లేదు. ఇతర పార్టీల్లో ఎవరైనా అసంతృప్తితో ఉన్నారని తెలిస్తే.. బీఆర్ఎస్ అగ్రనేతలు కేటీఆర్‌, హరీశ్‌రావు.. ఆ నేతల ఇళ్లలో వాలిపోతున్నారు. చర్చలు జరిపి గులాబీ కండువా కప్పుతున్నారు. క్షేత్రస్థాయిలో ఆ పార్టీ అభ్యర్థులు, నాయకులు సైతం ఇదే మంత్రాన్ని అనుసరిస్తూ ముందుకెళ్తున్నారు. తాజాగా మంత్రి హరీశ్‌రావు సిద్దిపేట జిల్లా హుస్నాబాద్‌ నియోజకవర్గంలో ఎన్నికల ప్రచారం నిర్వహిస్తున్నారు. ముందుగా కోహెడలో ఏర్పాటు చేసిన రోడ్ షోలో మంత్రి పాల్గొని మాట్లాడుతున్నారు. అనంతరం చిగురుమామిడి, అక్కన్నపేట, హుస్నాబాద్‌లలో ఎన్నికల ప్రచారం నిర్వహించనున్నారు.