LIVE : ఆర్మూర్​లో మంత్రి హరీశ్​రావు ఎన్నికల ప్రచారం - ప్రత్యక్షప్రసారం

Harishrao Election Campaign in Nizamabad LIVE : తెలంగాణలో పోలింగ్ డే దగ్గరకు వస్తున్న క్రమంలో రాజకీయ పార్టీలన్ని ప్రచారంలో మునిగిపోయాయి. రాష్ట్రంలో బీఆర్ఎస్​ పార్టీ మళ్లీ అధికారాన్ని చేజిక్కించుకోవడానికి పలు వ్యూహాలను రచిస్తోంది. ఇప్పటికే బీఆర్ఎస్‌ ఎమ్మెల్యే అభ్యర్థులు ప్రచారంలో దూసుకుపోతున్నారు.మరోవైపు సీఎం కేసీఆర్ ప్రజా ఆశీర్వాద సభలతో.. రాష్ట్రవ్యాప్తంగా సుడిగాలి పర్యటనలు చేస్తున్నారు. అలానే మంత్రి కేటీఆర్​ ప్రచారంలో భాగంలో రోడ్​షోలతో పలు జిల్లాలో చుట్టేస్తూ హోరెత్తిస్తున్నారు. కేసీఆర్​ను హ్యాట్రిక్​ ముఖ్యమంత్రిగా చేయడమే తమ లక్ష్యంగా​ ముందుకు సాగుతున్నారు. అదేవిధంగా ప్రచారం, పోల్‌ మేనేజ్‌మెంట్‌, చేరికలు సహా గెలుపును ప్రభావితం చేసే ఏ ఒక్క అంశాన్ని వదిలి పెట్టడం లేదు. మరోవైపు మంత్రి హరీశ్ రావు కూడా ఎన్నికల ప్రచారంలో జోష్ చూపిస్తున్నారు. ఓవైపు ఆత్మీయ సమ్మేళనాల్లో పాల్గొంటూనే మరోవైపు బహిరంగ సభల్లో పాల్గొంటున్నారు. తాజాగా హరీశ్ రావు నిజామాబాద్ జిల్లాలో పర్యటించారు. అక్కడ పలునియోజకవర్గాల్లో బీఆర్ఎస్ అభ్యర్థులకు మద్దతుగా ప్రచారం నిర్వహిస్తున్నారు.