LIVE : రూ.2 వేల నోట్ల జారీపై ఆర్​బీఐ కీలక ఉత్తర్వులు

2000 Rupees note withdrawn by RBI : రూ.2వేల నోట్ల జారీపై రిజర్వు బ్యాంక్‌ ఆఫ్‌ ఇండియా కీలక ఉత్తర్వులు జారీ చేసింది. రూ.2 వేల నోట్లను చలామణి నుంచి ఉపసంహరించనున్నట్లు ఆర్‌బీఐ పేర్కొంది. వినియోగదారులకు రూ.2వేల నోట్లు ఇవ్వొద్దని ఆదేశాలు జారీ చేసింది. ఈ ఆదేశాలు తక్షణమే అమల్లోకి వస్తాయని ఆర్​బీఐ పేర్కొంది. రూ.2వేల నోట్ల నోట్లను చలామణి నుంచి ఆర్‌బీఐ ఉపసంహరించుకోనుంది. రూ.2వేల నోట్లు ఉన్నవారు ఈనెల 23 నుంచి సెప్టెంబరు 30లోగా మర్చుకోవాలని ఆర్‌బీఐ వినియోగదారులకు సూచించింది. 2018-19 ఆర్థిక సంవత్సరంలోనే రూ.2వేల నోట్ల ముద్రణ నిలిపివేశామని ఆఆర్‌బీఐ స్పష్టం చేసింది. దేశంలోని 19 ఆర్‌బీఐ ప్రాంతీయ కార్యాలయాల్లో రూ.2వేల నోట్లు మార్చుకునే సౌలభ్యం కల్పిస్తున్నట్టు రిజర్వ్​ బ్యాంక్ ఆఫ్ ఇండియా పేర్కొంది. ఒక విడతలో రూ.20వేల చొప్పున మాత్రమే మార్చుకునేందుకు వెసులుబాటు కల్పించారు. డిపాజిట్‌ విషయంలో ఎలాంటి నిబంధనలు విధించలేదు. ఆర్‌బీఐ 2016 నవంబరులో రూ.2 వేల నోట్లు ప్రవేశపెట్టింది.