బెంజమిన్, డేవిడ్​కు రసాయన శాస్త్రంలో నోబెల్​

author img

By

Published : Oct 6, 2021, 3:26 PM IST

Updated : Oct 6, 2021, 4:13 PM IST

nobel prize chemistry

రసాయన శాస్త్రంలో 2021కి గాను నోబెల్ ​బహుమతిని(nobel prize 2021 chemistry) బెంజమిన్​ లిస్ట్​, డేవిడ్​ డబ్ల్యూసీ మెక్​మిలన్​ దక్కించుకున్నారు. అణు నిర్మాణానికి ఉపయోగపడే.. అసిమెట్రిక్​ ఆర్గానోకెటాలిసిస్​ను అభివృద్ధికి దోహదం చేసినందుకు వీరిని ఈ ప్రతిష్టాత్మక అవార్డు వరించింది.

ఈ ఏడాది రసాయన శాస్త్రంలో(nobel prize 2021 chemistry) బెంజమిన్​ లిస్ట్(జర్మనీ)​, డేవిడ్​ డబ్ల్యూసీ మెక్​మిలన్​కు(స్కాట్లాండ్​) నోబెల్‌ పురస్కారం దక్కింది.

అణు నిర్మాణానికి ఉపయోగపడే అసిమెట్రిక్​ ఆర్గానోకెటాలిసిస్​ అభివృద్ధికి దోహదం చేసినందుకు ఈ ఇద్దరినీ పురస్కారం వరించింది. ఇన్నేళ్లుగా శాస్త్రవేత్తలు లోహాలు, ఎంజైమ్​లు అనే రెండు రకాల ఉత్ప్రేరకాలు మాత్రమే ఉన్నాయని విశ్వసించారు. కానీ ఈ నోబెల్​ పురస్కార గ్రహీతలు మూడో రకం కూడా ఉంటుందని, అసిమెట్రిక్​ ఆర్గానోకెటాలిసిస్​ను అభివృద్ధి చేసి రుజువు చేశారు.

2021 Nobel Prize in Chemistry
రసాయన శాస్త్రంలో నోబెల్​ వీరికే..

ఈ పరిశోధన పరమాణు నిర్మాణంలో కొత్త స్థాయికి తీసుకెళ్లింది. ఇది అసమాన అణువులను ఉత్పత్తి చేయడాన్ని మరింత సులభతరం చేస్తుంది.

వీరికి బంగారు పతకం, 11లక్షల డాలర్ల నగదు అందజేయనుంది రాయల్​ స్వీడిష్​ అకాడమీ. ఆ మొత్తాన్ని ఇద్దరికీ సమంగా పంచనుంది.

వైద్యం, భౌతిక, రసాయన, సాహిత్యం, శాంతి, అర్థశాస్త్రాలు వంటి ఆరు విభాగాల్లో అందించే నోబెల్‌ పురస్కారాల్లో ఇది మూడోది(nobel prize 2021 chemistry). సొమవారం.. వైద్య శాస్త్రంలో (nobel prize medicine 2021) నోబెల్​ బహుమతిని ప్రకటించగా.. అమెరికన్‌ శాస్త్రవేత్తలు డేవిడ్‌ జూలియస్‌, ఆర్డెమ్‌ పటపౌటియన్‌లు ఈ పురస్కారాన్ని దక్కించుకున్నారు.

భౌతిక శాస్త్రంలో(nobel prize 2021 physics) నోబెల్​ను మంగళవారం ప్రకటించగా.. సుకురో మనాబే, క్లాస్ ​హాసిల్​మేన్​, జార్జియో పారిసీ దీనిని దక్కించుకున్నారు.

అక్టోబర్​ 7న సాహిత్యం, అక్టోబర్​ 8న శాంతి బహుమతి, అక్టోబర్​ 11న చివరగా ఆర్థిక శాస్త్రంలో నోబెల్​ బహుమతులను ప్రకటించనుంది రాయల్​ స్వీడిష్​ అకాడమీ.

ఇవీ చూడండి: డేవిడ్​-ఆర్డెమ్​కు వైద్య శాస్త్రంలో నోబెల్​ బహుమతి

భూతాపంపై పరిశోధనలు చేసిన వారికి నోబెల్

Last Updated :Oct 6, 2021, 4:13 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.