గుజరాత్​లో తొమ్మిదేళ్ల చిన్నారి సన్యాసం స్వీకరించింది. పూర్తిగా భక్తి మార్గంలో పయనించాలని నిర్ణయించుకుంది. చిన్న వయస్సులో అన్ని సుఖాలను వదులుకొనేందుకు సిద్ధమైంది.

తొమ్మిదేళ్లకే సన్యాసినిగా మారిన వజ్రాల వ్యాపారి కూతురు

the-daughter-of-a-diamond-merchant-in-surat-took-diksha-at-the-age-of-9

సన్యాసం స్వీకరించిన ఈ చిన్నారి పేరు దేవాన్షి. ధనేష్, అమీ సంఘ్వి ఈ చిన్నారి తల్లిదండ్రులు. తండ్రి ఓ వజ్రాల వ్యాపారి. 30 సంవత్సరాలుగా ధనేష్.. సూరత్​లో వజ్రాల వ్యాపారం చేస్తున్నారు.

బుధవారం దేవాన్షి సన్యాసినిగా మారింది. ఇందుకోసం భారీ స్థాయిలో వేడుక నిర్వహించారు. జైన సన్యాసి ఆచార్య విజయ్ కీర్తియాష్సూరి అధ్వర్యంలో దేవాన్షి ఈ దీక్షను స్వీకరించింది. వందలాది మంది సమక్షంలో ఈ కార్యక్రమం జరిగింది.

ధనేష్, అమీ దంపతులకు ఇద్దరు కుమార్తెలు. దేవాన్షి వీరికి పెద్ద కూతురు. ఈమెకు నాలుగేళ్ల చెల్లెలు ఉంది.

దేవాన్షికి చిన్నప్పటి నుంచే ఆధ్యాత్మిక మార్గంలో నడవాలని ఆసక్తి ఉండేదని కుటుంబ సభ్యులు తెలిపారు. సన్యాసం స్వీకరించే ముందు దేవాన్షి.. ఇతర సన్యాసులతో కలిసి 700 కి.మీ నడిచినట్లు వారు వెల్లడించారు.

దేవాన్షికి మొత్తం ఐదు భాషలు మాట్లాడుతుంది. దేవాన్షి సన్యాసం తీసుకునే ముందు మంగళవారం నగరంలో భారీ ఊరేగింపు సైతం జరిగింది.

బెల్జియంలో కూడా ఈ తరహా  ఊరేగింపు జరిగింది. చాలా మంది వజ్రాల వ్యాపారులకు బెల్జియంలో సన్నిహిత వ్యాపార సంబంధాలు ఉన్నాయి.

సన్యాసిగా మారిన చిన్నారి దేవాన్షి