పండ్లు, కూరగాయలు ఫ్రిజ్​లో ఉంచుతున్నారా.. అయితే ఇది తెలుసుకోవాల్సిందే

how to identify the spoiled food in fridge : మన బిజీ లైఫ్​లో ఎప్పుడూ ఫ్రెష్ ఫుడ్ తినాలంటే కష్టమే. మన కుటుంబ ఆర్థిక పరిస్థితులు కూడా కొన్నిసార్లు దీనికి సహకరించకపోవచ్చు. అందుకే మనం పదార్థాలను నిల్వ ఉంచుకోవడానికి రిఫ్రిజిరేటర్​ను ఉపయోగిస్తాం. ఈరోజు చేసిన కూరలు కానీ ఇతర ఆహారపదార్థాలు కానీ మిగిలిపోతే మనం ఫ్రిడ్జిలో నిల్వ ఉంచుతాం. అలాగే ఇతర పదార్థాలను కూడా పాడైపోకుండా కొన్నిరోజులు నిల్వ ఉంచడానికి ఫ్రిడ్జిలో పెడతాం. ప్రస్తుత కాలంలో ఫ్రిజ్​లేని ఇల్లు లేదంటే అతిశయోక్తి కాదు. ప్రతి చిన్న వస్తువును తీసుకెళ్లి దాంట్లోనే భద్రపరుస్తుంటాం. చిన్న మిరపకాయ నుంచి పెద్ద గుమ్మడికాయ వరకు ఫ్రిజ్​లోనే నిల్వ ఉంచుతాం. చిన్న పిల్లలు కూల్​డ్రింక్స్, ఐస్​క్రీం, చాక్లెట్లు ఫిజ్​లో దాచుకుని తింటుంటారు. మాంసం ఇలా రకరకాల పదార్థాలు పాడయిపోకుండా ఫ్రిజ్​లోనే నిల్వ ఉంచుతాం. అయితే ఫ్రిజ్​లో పెట్టి వాటిని బయట పెట్టిన కొద్దిసేపటికే పదార్థాల రుచి మారడం, ఇవి పాడయిపోవటం జరుగుతుంది. మరి మీరెప్పుడైనా అలాంటి స్థతిని గమనించారా? ఫ్రిజ్​లో పెట్టిన పదార్థాలను వాటి రుచి చూడకుండానే అవి పాడయిపోయాయని చెప్పొచ్చు.