శ్రీరాముడు, సీతాదేవి, హనుమాన్‌లను గుర్తు చేసుకొనేందుకు మీరు బ్రహ్మ ముహుర్తాలలో మేల్కొవాలి. తెల్లవారుజామునే నిద్ర లేచి, స్నానం చేయాలి. అనంతరం పూజా మందిరంలో లేదా దేవాలయంలో హనుమంతుడికి పూజ చేయాలి. హనుమాన్ చాలీసాతో పాటు భజరంగీ మంత్రాలను పఠించాలి.

Hanuman Jayanthi Special Story : హనుమాన్‌ జయంతి ప్రత్యేకతలేంటి..  ఈరోజు ఏం చేయాలి.. ?

hanuman-jayanthi-special-story-in-telaugu

<p>Hanuman Jayanthi Special Story : హనుమాన్‌ జయంతి రోజున సూర్యోదయం సమయంలో ఆంజనేయుడిని ఆరాధించాలి. ఈరోజు హనుమాన్ భక్తులందరూ ప్రత్యేక ఉపవాసం పాటించాలి. కొన్ని నియమాలను తప్పక ఆచరించాలి. ఈ పవిత్రమైన రోజున నేలపైనే నిద్రించాలి. బ్రహ్మచర్యాన్ని కూడా అనుసరించాలి.</p>

ఆ భయాలు తొలగుతాయి..! ఆంజనేయ స్వామి ఇప్పటికీ ఈ భూమిపై జీవిస్తున్నాడని కొన్ని గ్రంథాల ద్వారా తెలుస్తోంది. ఎందుకంటే ఆ దేవుడు చిరంజీవిగా ఉండటానికి దీవించబడ్డాడు.

ఎవరైతే పవన పుత్రుడిని స్వచ్ఛమైన భక్తి భావనతో ఆరాధిస్తారో.. అలాంటి వారికి కష్టాల నుంచి విముక్తి లభించడంతో పాటు పూర్తిగా స్వేచ్ఛ లభిస్తుంది. వారి జీవితంలో శాంతి, ఆనందం కలుగుతుంది. అంతేకాదు.. శని ప్రభావం ఎక్కువగా ఉండే వారూ.. ఆంజనేయుడిని ఆరాధిస్తే మంచి ఫలితాలు పొందుతారు.

ఆంజనేయుడి ఆశీర్వాదం పొందడానికి, హనుమాన్ జయంతి రోజున ఆ దేవునికి సింధూరం, సువాసన కలిగిన నూనె అర్పించాలి. ఈ రోజున భజరంగ బలి పఠనం, రామ లక్ష్మణ చరితం, సుందర కాండ పారాయణం చేయాలి.

శ్రీ రామదాసుడు.. వాయు పుత్రుడు.. శివుని అంశ.. ఎర్రని కన్నులు గలవాడు.. సంజీవని తెచ్చి లక్ష్మణుని ప్రాణాలు కాపాడిన వాడు.. అర్జునుడికి ప్రియ సఖుడు.. సాగరాన్ని దాటిన వాడు.. లంకలో సీతమ్మ శోకాన్ని హరించిన వాడు.. 10 తలలున్న రావణుని గర్వం అణచిన వాడు.. ఈ హనుమంతుని నామాలు ప్రయాణం సమయంలో, నిద్ర పోయే ముందు స్మరించిన వారికి చావు గురించి భయం ఉండదు.

హనుమాన్‌ భక్తులకు సర్వత్రా విజయం సిద్ధిస్తుందని పురాణాలు పేర్కొంటున్నాయి. ఆయన జయంతి రోజున హనుమంతుడికి పూజలు చేసి ఆరాధిస్తే శని బాధలు తొలగడంతో పాటు ఆరోగ్య సిద్ధి, భూత ప్రేత పిశాచ భయాల నుంచి మానసిక ప్రశాంతత, విముక్తి కలుగుతాయి.