ఉత్తర్​ప్రదేశ్​లో బంగారంతో పతంగి తయారు చేశారు వ్యాపారులు.  చరకా, దారాన్ని కూడా బంగారంతోనే తయారు చేశారు. ప్రపంచంలోనే అత్యంత ఖరీదైన పతంగి ఇదేనని తయారుదారులు చెబుతున్నారు. అభరణాలకు ప్రసిద్ధిగాంచిన మేరఠ్​​ నగరంలో దీని రూపకల్పన జరిగింది.

ఖరీదైన స్వర్ణ పతంగి.. దారం, చరకా సైతం బంగారంతోనే.. ఖర్చు ఎంతో తెలుసా

gold-kite-worth-25-lakh-in-meerut-uttar-pradesh

వసంత​ పంచమి సందర్భంగా ఈ బంగారు పతంగిని తయారు చేశారు. అదే రోజు రిపబ్లిక్ డే కూడా ఉండటం విశేషం.

ఈ సందర్భంగానే బంగారు పతంగి తయారు చేసినట్లు స్వర్ణకారులు అంకుర్ జైన్, రితేశ్ జైన్ తెలిపారు. చరకా, దారాన్ని కూడా బంగారంతోనే తయారు చేశారు.

ఈ పతంగి విలువ దాదాపు రూ.25 లక్షలు ఉంటుందని వ్యాపారులు చెబుతున్నారు. 16 మంది కలిసి, 16 రోజులు కష్టపడి ఈ బంగారు పతంగిని తయారు చేసినట్లు అంకుర్ జైన్ వెల్లడించారు.

చరకాను తయారు చేయడానికి 400 గ్రాముల బంగారాన్ని వినియోగించారు. దారాన్ని 20 మీటర్లు పొడవులో తయారు చేశారు.

ఇది చాలా ఖరీదైన పతంగి అని, గిన్నిస్​ బుక్​ ఆఫ్​ రికార్డ్స్​లో దీనికి చోటు దక్కేలా ప్రయాత్నాలు చేస్తున్నట్లు తయారీదారులు తెలిపారు. అదే విధంగా ఇండియా బుక్​ ఆఫ్​ రికార్డ్స్​, ఆసియా బుక్​ ఆఫ్​ రికార్డ్స్​ కోసం దరఖాస్తు చేయనున్నట్లు తెలిపారు.

ఎంతో శ్రమించి వినూత్న పద్ధతిలో బంగారు పంతంగి తయారు చేసినట్లు తయారీదారులు తెలిపారు. చైనా మాంజాకు వ్యతిరేకంగానే ఈ బంగారం దారాన్ని తయారు చేసినట్లు వెల్లడించారు.

సాదారణంగా వసంత్​​ పంచమి రోజు పతంగులను ఎగురవేస్తారు. కానీ ఆ రోజు రిపబ్లిక్​ డే ఉన్న నేపథ్యంలో పతంగులు ఎగురవేయకూడదని నిర్ణయించుకున్నట్లు స్వర్ణకారులు చెబుతున్నారు. సాధారణంగానే వసంత్​​ పంచమి జరుపుకుంటామని పతంగి తయారీదారులు తెలిపారు.