ఘనంగా నడ్డా చిన్నకుమారుడి వివాహం.. హాజరైన ప్రముఖులు.. 28న హిమాచల్​లో రిసెప్షన్​..

భారతీయ జనతా పార్టీ జాతీయ అధ్యక్షుడు జేపీ నడ్డా చిన్న కుమారుడు హరీశ్​ నడ్డా వివాహ వేడుక ఘనంగా జరిగింది. బుధవారం సాయంత్రం రాజస్థాన్​ జైపూర్‌లోని రాజ్‌మహల్ ప్యాలెస్ హోటల్‌లో నడ్డా కుమారుడి పెళ్లి వేడుకలు అంగరంగ వైభవంగా జరిగాయి. బంధుమిత్రుల సమక్షంలో వధువు రిద్ధి శర్మ మెడలో మూడు ముళ్లు వేశారు నడ్డా కుమారుడు హరీశ్​. ఈ వేడుకలకు భాజపా జనరల్​ సెక్రటరీ అరుణ్ సింగ్​, రాజస్థాన్​ మాజీ ముఖ్యమంత్రి వసుంధర రాజే, ఓం ప్రకాశ్​ మాథుర్​, రాజేంద్ర రాథోడ్​, ఘనశ్యామ్​ తివారీతో పాటు పలువురు భాజపా నాయకులు హాజరయ్యారు. అంతకుముందు బుధవారం మధ్యాహ్నం జేపీ నడ్డా.. తన కుటుంబంతో కలిసి మోతీ దుంగ్రీ గణేష్ ఆలయానికి వెళ్లారు. మోతీ డుంగ్రీ గణేష్ ఆలయంలో పూజలు చేసి ఆశీస్సులు తీసుకున్నారు. కాగా, హిమాచల్​ ప్రదేశ్​లోని బిలాస్​పుర్​లో జనవరి 28న నడ్డా.. రిసెప్షన్​ ఏర్పాటు చేయనున్నారు. పలువురు పార్టీ అగ్ర నేతలు.. ఆ రిసెప్షన్​కు హాజరు కానున్నారని తెలిసింది.