క్రేజ్​ను క్యాష్​ చేసుకుంటున్న ఊర్వశి రౌతేలా.. ఆ సాంగ్ కోసం రూ. కోట్లలో డిమాండ్!

Urvashi Rautela Remuneration : తన అందచందాలతో యూత్​లో ఓ రేంజ్​లో క్రేజ్​ సంపాదించుకుంది బాలీవుడ్​ బ్యూటీ ఊర్వశి రౌతేలా. గత కొద్ది కాలంగా బీటౌన్​కే పరిమితమైన ఈ చిన్నది.. క్రమ క్రమంగా దక్షిణాది వైపు అడుగులు వేయడం ప్రారంభించింది. హీరోయిన్​గా కాకపోయినప్పటికీ స్పెషల్​ సాంగ్స్​లో మెరిసి ఇక్కడి ప్రేక్షకులకు దగ్గరవుతోంది. మెగాస్టార్​ చిరంజీవి వాల్తేర్​ వీరయ్యలో.. వేర్​ ఈజ్​ ద పార్టీ అనే ఓ స్పెషల్​ సాంగ్​ చేసి కుర్ర కారుకు కిర్రకెక్కించింది. ఏజెంట్​ సినిమాలోనూ అఖిల్​ సరసన స్టెప్పులేసి మరింత పాపులరైంది. అయితే ఈ అమ్మడిపై దృష్టి పెట్టిన టాలీవుడ్ దర్శక నిర్మాతలు తమ సినిమా కోసం ఈమెను తీసుకునేందుకు ఆసక్తి కనబరుస్తున్నారు. దీంతో తెలుగునాట ఈ ముద్దుగుమ్మను వరస ఆఫర్లు వరిస్తున్నాయి. ఈ క్రమంలో ఈ చిన్నది మరో స్టార్ హీరో సినిమాలో ఛాన్స్​ కొట్టేసింది. అలా బోయపాటి-రామ్ పోతినేని కాంబోలో తెరకెక్కుతున్న సినిమాలో మెరవనుంది. ఇప్పటి వరకు ఈ అమ్మడు స్టెప్పులేసిన సాంగ్స్​ అన్నింటికీ తీసుకున్న రెమ్యూనరేషన్​ కంటే ఈ సాంగ్​ కోసం భారీగానే ఛార్జ్​ చేసిందట. ఇంతకీ ఆమె తీసుకున్న రెమ్యూనరేషన్​ ఎంతంటే..