కీర్తి చేతిలో పింక్ గులాబీలు.. దుబాయ్​ బిజినెస్​మ్యాన్ ఇచ్చినవేనా?.. పెళ్లి ఎప్పుడు మరి?

కీర్తి సురేశ్​.. 'మహానటి' సినిమాతో తెలుగులో సూపర్ క్రేజ్ సంపాదించుకున్న మలయాళీ ముద్దుగుమ్మ. ఆ సినిమాలో కీర్తి నటనకు జాతీయ ఉత్తమ నటిగా పురస్కారం లభించింది. కీర్తి సురేశ్​.. ఇటీవలే తెలుగులో దసరా సినిమాతో సూపర్​ హిట్​ సాధించింది. ఇదిలా ఉంటే కీర్తి సురేశ్ తాజాగా రోజా పూలతో కొన్ని ఫొటోలను తన సోషల్ మీడియాలో పంచుకుంది. దీంతో నెటిజన్స్ కామెంట్స్ చేస్తూ.. ఈ పూలు కీర్తి సురేశ్​ బాయ్ ఫ్రెండ్ ఇచ్చి ఉంటారనీ.. అందుకే వాటితో పోజులిచ్చిందని అంటున్నారు. ఏది ఏమైనా ప్రస్తుతం ఆ పిక్స్ మాత్రం సోషల్ మీడియాలో వైరల్ అవుతున్నాయి. మరోవైపు, దుబాయ్​ వ్యాపారవేత్త ఫర్హాన్ బిన్ లియాఖత్‌తో దిగిన ఫొటోను ఇటీవలే ఇన్​స్టాగ్రామ్​ స్టోరీలో కీర్తి షేర్​ చేసింది. దీంతో వారిద్దరూ ప్రేమలో ఉన్నారని.. త్వరలోనే పెళ్లి చేసుకుంటారని సినీ వర్గాల్లో టాక్​ నడుస్తోంది. కీర్తి సురేశ్​.. త్వరలో పొలిటికల్ థ్రిల్లర్ చిత్రం 'మమనన్'లో కనిపించనుంది. సెల్వరాజ్ దర్శకత్వంలో ఈ సినిమా రూపొందుతోంది. ఈ చిత్రంలో కీర్తితో పాటు వడివేలు, ఉదయనిధి స్టాలిన్, ఫహద్ ఫాసిల్ కూడా కీలక పాత్రల్లో కనిపించనున్నారు. ఈ ఏడాది జూన్ 29న థియేటర్లలో విడుదల కానుంది. దీనితో పాటు మెహర్ రమేశ్​ దర్శకత్వంలో తెరకెక్కుతున్న 'భోళా శంకర్' చిత్రంలో కూడా కీర్తి సురేశ్​ నటిస్తోంది. ఈ చిత్రంలో తమన్నా, చిరంజీవి కూడా ప్రధాన పాత్రల్లో కనిపించనున్నారు. ఈ చిత్రం ఆగస్టు 11న థియేటర్లలో విడుదల కానుంది.