Kamalhassan Exwife Sarika:  కరోనా, లాక్​డౌన్​ అన్ని రంగాలతో పాటు చిత్రసీమను ఎంతలా దెబ్బతీసిందో ప్రత్యేకంగా చెప్పనక్కర్లేదు. చాలా కాలం పాటు షూటింగ్​లన్నీ రద్దు కావడం వల్ల కళాకారులు, సినీకార్మికుల జీవితాలు అగమ్యగోచరంగా మారాయి. వారి కుటుంబ పోషణ గగనమైంది. ఆర్థికంగా, మానసికంగా ఎన్నో ఇబ్బందులను ఎదుర్కొన్నారు. అయితే ఈ బాధను తాను కూడా ఎదుర్కొన్నట్లు తెలిపారు విలక్షణ నటుడు కమల్​హాసన్​ మాజీ భార్య, సీనియర్​ నటి సారిక. తాను తెరపై కనిపించేందుకు ఐదేళ్ల గ్యాప్ ఎందుకు వచ్చిందో వివరించారు.

'రూ.3వేలు సంపాదించడం కష్టమైపోయింది'.. కమల్ మాజీ భార్య భావోద్వేగం..!

"నేను ఓ ఏడాది పాటు విరామం తీసుకుందామనుకున్నాను. అలా థియేటర్​ ఆర్టిస్ట్​గా చేయడం ప్రారంభించా. అది కాస్తా ఐదేళ్ల పాటు అయిపోయింది. అంతా బాగానే ఉంది. కానీ లాక్​డౌన్ వల్ల ఉన్న డబ్బులన్నీ అయిపోయాయి. ఇక ఎక్కడికి వెళ్లాలి? అందుకే మళ్లీ థియేటర్​ ఆర్టిస్ట్​గా కొనసాగా. అక్కడ కేవలం రూ.2 వేల నుంచి రూ.2,700 మాత్రమే వస్తాయి. ఇక ఏమీ చేయలేము. అందుకే తెరపై కనిపించలేదు. అన్నీ ఆలోచించే ఈ నిర్ణయం తీసుకున్నా. ఏదేమైనా ఒక్క ఏడాది అనుకున్నా.. కానీ అది కాస్తా ఐదేళ్లు అయిపోయింది. ఆ ఐదేళ్లు గొప్ప అనుభూతి" అని సారిక అన్నారు.

ఐదేళ్ల విరామం తర్వాత సారిక 'మోడ్రన్​ లవ్​: ముంబయి' సిరీస్​తో ప్రేక్షకుల ముందుకు రానున్నారు. మే 13నుంచి ఈ సిరీస్​ అమెజాన్​ ప్రైమ్​లో ప్రసారం కానుంది.

కమల్​హాసన్​-సారిక 1998లో పెళ్లి చేసుకున్నారు. కమల్​కు ఆమె రెండో భార్య.  2004లో వీరిద్దరు విడాకులు తీసుకున్నారు. వీరికి శ్రుతిహాసన్​, అక్షరహాసన్​ జన్మించారు.

విడాకుల తర్వాత సారిక ముంబయిలో తన తల్లి దగ్గర నివాసమున్నారు. కొంతకాలం క్రితం ఆమె కూడా మరణించారని తెలిసింది.

ఆ తర్వాత ఆమె ఉండటానికి ఇళ్లు కూడా లేదని, కష్టాలను ఎదుర్కొంటున్నారని కొద్ది కాలం క్రితం వార్తలు వచ్చాయి. అయితే స్టార్ హీరో ఆమిర్​ ఖాన్​ ఆమెను ఆదుకున్నారని కథనాలు వచ్చాయి.

పెద్దకూతురు శ్రుతిహాసన్​తో

శ్రుతిహాసన్​-సారిక

కమల్​హాసన్​-సారిక-శ్రుతి

అప్పట్లో ఓ సినిమా షూట్​లో కమల్​-సారిక