అక్కినేని నాగ‌చైత‌న్య హీరోగా న‌టిస్తున్న తాజా సినిమా ఎన్సీ22కు 'కస్టడీ' అనే టైటిల్ నిర్ణ‌యించారు. బుధవారం నాగ చైతన్య పుట్టిన‌రోజు... ఈ సందర్భంగా ఈ టైటిల్ను అధికారికంగా ప్ర‌క‌టిస్తూ ఫస్ట్లుక్ పోస్ట‌ర్‌ను చిత్ర యూనిట్ విడుదల చేసింది. ఈ సినిమాలో నాగ చైతన్య పోలీస్ ఆఫీస‌ర్‌గా క‌నిపించ‌బోతున్నారు. ఫస్ట్లుక్ పోస్టర్లో పవర్ఫుల్ లుక్లో కనిపిస్తున్నారు.
కోలీవుడ్ డైరెక్ట‌ర్ వెంకట్ ప్రభు తెర‌కెక్కిస్తున్న ఈ సినిమాను తెలుగు, త‌మిళ భాష‌ల్లో రూపొందిస్తున్నారు. బంగార్రాజు త‌ర్వాత నాగ చైత‌న్య‌తో కృతి శెట్టి మ‌రోసారి హీరోయిన్‌గా న‌టిస్తోంది. శ్రీనివాసా సిల్వర్ స్క్రీన్ బ్యానర్పై శ్రీనివాస చిట్టూరి ఈ చిత్రాన్ని ప్రతిష్టాత్మకంగా నిర్మిస్తున్నారు. ఈ చిత్రానికి తండ్రీకొడుకులు ఇళయరాజా, యువన్ శంకర్ రాజా సంగీతం అందిస్తున్నారు. ఈ ప్రతిష్టాత్మక ప్రాజెక్ట్‌ను పవన్ కుమార్ సమర్పిస్తున్నారు.
ఇదీ చదవండి: చిరంజీవికి ఇష్టం లేకపోయినా ఎస్పీని అందుకే తప్పించా: మణిశర్మ
