ఇద్దరు స్టార్ హీరోలు కలిసి మల్టీస్టారర్ సినిమా చేస్తే అభిమానులకు వచ్చే ఆ కిక్కే వేరు. అయితే ఇప్పటికే పలువురు హీరోలు ఇలాంటి మజాను ఫ్యాన్స్కు పంచగా.. ఇప్పుడు మరో మల్టీస్టారర్ రెడీ అవ్వబోతున్నట్లు తెలిసింది. అదేంటంటే..
పాన్ఇండియా స్టార్ ప్రభాస్ ప్రస్తుతం పలు భారీ ప్రాజెక్ట్లలో నటిస్తున్నారు. అందులో నాగ్ అశ్విన్ దర్శకత్వంలో రానున్న ప్రాజెక్ట్ కె ఒకటి. అయితే ఇప్పుడీ సినిమా గురించి ఓ ఇంట్రెస్టింగ్ వార్త సోషల్మీడియాలో చక్కర్లు కొడుతోంది. ఇప్పటికీ ఈ మూవీలో బాలీవుడ్ దిగ్గజ నటుడు బిగ్ బి అమితాబ్ బచ్చన్, స్టార్ హీరోయిన్స్ దీపిక పదుకొణె, దిశాపటానీ నటిస్తుండగా.. ఇప్పుడు ఈ చిత్రంలో మరింత మంది బడా స్టార్స్ కనపడబోతున్నట్లు తెలుస్తోంది.
టాలీవుడ్ సూపర్స్టార్ మహేశ్బాబు, తమిళ స్టార్ సూర్య, మలయాళ స్టార్ దుల్కర్ సల్మాన్.. ఈ ముగ్గురు కూడా ఈ భారీ ప్రాజెక్ట్లో కనిపిస్తారని ప్రచారం సాగుతోంది. గూగుల్లో కూడా ప్రాజెక్ట్ కె క్యాస్ట్ అని టైప్ చేస్తే ఈ ముగ్గురు స్టార్ కథానాయకుల పేర్లు వస్తున్నాయి. మరి ఇందులో నిజమెంతో తెలియాలంటే మూవీటీమ్ అధికారికంగా ప్రకటించే వరకు వేచి ఉండాల్సిందే. ఒకవేళ ఇదే కనుక నిజమైతే ఫ్యాన్స్కు పెద్ద పండగనే చెప్పాలి.
ఇదీ చూడండి: పవన్కల్యాణ్ అరుదైన ఫొటోలు చూశారా
