Road accident: మేడ్చల్ జిల్లా మల్కాజిగిరి పరిధిలోని ఆర్కే నగర్లో ఘోర రోడ్డు ప్రమాదం జరిగింది. ప్రమాదవశాత్తు ఆర్టీసీ బస్సు కిందపడి ఓ యువకుడు మృతి చెందాడు. ములుగు జిల్లా ఏటూరునాగారంకి చెందిన హర్షవర్దన్ రెడ్డి యూకేలో ఎమ్మెస్ చేస్తున్నాడు. క్రిస్మస్ సందర్భంగా అక్కడ సెలవులు ఇవ్వడంతో సొంత ఊరికి వచ్చాడు. వచ్చే నెలలో తిరిగి వెళ్లాల్సివుంది.
ఈ మధ్యలో మేడ్చల్ జిల్లా మల్కాజిగిరిలో ఉంటున్న తన స్నేహితుడిని కలుద్దామనుకున్నాడు. బుధవారం రాత్రి స్నేహితుని దగ్గరికి ద్విచక్రవాహనంపై బయలుదేరాడు. ఈ క్రమంలోనే.. ఆర్కేనగర్ దగ్గర బైక్ను ఆర్టీసీ బస్సు ఢీకొట్టింది. ఈ ఘటనలో కింద పడిన హర్షవర్దన్పై నుంచి బస్సు వెళ్లింది. కొంచెం దూరం హర్షవర్దన్ రెడ్డిని బస్సు లాక్కెళ్లింది. ఈ ప్రమాద దృశ్యాలు అక్కడే ఉన్న ఓ సీసీకెమెరాలో నిక్షిప్తమయ్యాయి.
ప్రమాదంలో హర్షవర్దన్కు తీవ్రగాయాలు కాగా... స్థానికులు వెంటనే పోలీసులకు సమాచారమందించారు. హుటాహుటిన ఘటనాస్థలికి చేరుకున్న పోలీసులు.. హర్షవర్దన్ను ఆస్పత్రికి తరలించే క్రమంలో మార్గమధ్యలోనే మృతి చెందాడు. ఈ ఘటనపై హర్షవర్దన్ సోదరుడు ఫిర్యాదు మేరకు కేసు నమోదు చేసిన పోలీసులు దర్యాప్తు చేస్తున్నారు.
ఇదీ చూడండి:
