కామారెడ్డి జిల్లా భిక్కనూరు మండలం బస్వాపూర్ గ్రామ శివారులోని జాతీయ రహదారిపై కారు అదుపు తప్పి బోల్తా పడింది. ఈ ఘటనలో కారులో ఉన్న నలుగురికి స్వల్ప గాయాలయ్యాయి. హైదరాబాద్ నుంచి ఆర్మూర్ వెళ్తుండగా ఈ ప్రమాదం జరిగింది. ఈ మేరకు భిక్కనూరు పోలీసులు కేసు నమోదు చేసుకుని దర్యాప్తు చేస్తున్నారు
ఆర్మూర్ పట్టణానికి చెందిన నవీన్ అనే వ్యక్తి హైదరాబాద్ నుంచి ఆర్మూర్‌కు భార్య, ఇద్దరు పిల్లలతో కలిసి వెళ్తుండగా ఈ ప్రమాదం జరిగినట్లు స్థానికులు తెలిపారు. నవీన్ భార్య ఒడిలో ఉన్న చిన్న పాప నిద్రమత్తులో కాలు స్టీరింగ్‌కు తగలడంతో ఒక్కసారిగా కారు అదుపు తప్పి... బోల్తా పడింది. ఈ ప్రమాదంలో నవీన్ పెద్ద కుమార్తె శాన్వికతో పాటు నవీన్, అతని భార్య, చిన్న కుమార్తెకు స్వల్ప గాయాలయ్యాయి. చికిత్స కోసం వీరిని కామారెడ్డిలోని ఓ ప్రైవేట్ ఆస్పత్రికి తరలించారు.
ఇదీ చదవండి: blackmailing: ఆన్లైన్ పరిచయం... ఫోటోలతో మోసం చేసేందుకు యత్నం
