Man Dies After Omelet Stuck in Throat: మద్యం తాగేందుకని ఓ వ్యక్తి వైన్ షాపుకెళ్లాడు. తనకు నచ్చిన బ్రాండు అడిగాడు. ఇచ్చిన బాటిల్ తీసుకుని పక్కనే ఉన్న పర్మిట్ రూమ్(మద్యం తాగేందుకు అనుమతి గది)లోకి వెళ్లాడు. ఖాళీగా ఉన్న ఓ టేబుల్ చూసుకుని కూర్చున్నాడు. బాటిల్ ఓపెన్ చేసి.. ఓ పెగ్గు కలిపాడు. అప్పుడు గుర్తొచ్చింది మనోడికి మంచింగ్ సంగతి. మందు ఓకే.. మరి మంచింగ్ ఏం తీసుకుందాం అని కాసేపు ఆలోచిస్తే.. అసలే చలిగా ఉంది కదా వేడివేడిగా ఏదైనా అయితే బాగుంటుందని అనిపించింది. మరీ కాస్ట్లీవి మనకెందుకు.. ఓ ఆమ్లెట్తో సరిపెట్టేద్దాంలే అనుకుని ఆర్డర్ ఇచ్చాడు. వేడివేడిగా ఆమ్లెట్ టేబుల్పైకి వచ్చేసింది. ఇంకెందుకు ఆలస్యం అనుకుని ఓ పెగ్గేశాడు. వేడివేడి ఆమ్లెట్ను తీసుకుని అలా నోట్లో పెట్టుకున్నాడు. అంతే.. అదే ఆమ్లెట్ యమపాశమై మనోడి ప్రాణాలను తీసేసింది.
జనగామ జిల్లా బచ్చన్నపేటలో గురువారం ఈ ఘటన చోటుచేసుకుంది. బచ్చన్నపేటకు చెందిన ఈదులకంటి భూపాల్‌రెడ్డి (38) స్థానిక మద్యం దుకాణంలోని అనుమతి గదిలో కూర్చొని మద్యం తాగుతున్నాడు. తాను తింటున్న ఆమ్లెట్ గొంతులో ఇరుక్కుపోవడంతో అక్కడికక్కడే చనిపోయాడు. విషయం తెలుసుకున్న పోలీసులు మృతదేహాన్ని పోస్టుమార్టం నిమిత్తం ఆసుపత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నారు.
''మద్యం సేవించడం ఆరోగ్యానికి హానికరమని ప్రతోడు చెప్తాడు.. కానీ కొన్ని రకాల మంచింగ్లు కూడా ప్రాణానికి ప్రమాదకరమని ఒక్కడు కూడా చెప్పడేంట్రా బాబు..'' పై ఘటనను చూస్తే ఎందుకో ఈ లైన్ చెప్పాలనిపించింది. ఏమంటారు ప్రెండ్స్..!
ఇవీ చూడండి..
దోపిడీ దొంగల పని కాదు.. అంత ఆమె ప్లానే.. అసలేం జరిగిందంటే..!
