Ganja seized: గంజాయి అక్రమ రవాణాను అడ్డుకొనేందుకు పోలీసులు కట్టుదిట్టమైన చర్యలు తీసుకుంటున్నా అడ్డుకట్ట పడటం లేదు. తాజాగా గంజాయి సరఫరా చేస్తున్న అంతరాష్ట్ర ముఠాను ఎల్బీనగర్ పోలీసులు అరెస్ట్ చేశారు. అందుకు సంబంధించిన వివరాలను ఎల్బీనగర్ డీసీపీ సన్ ప్రీత్ సింగ్ వెల్లడించారు.
గంజాయి అక్రమ రవాణా చేస్తున్న నలుగురు అంతరాష్ట్ర ముఠాలో ఇద్దరు నిందితులను అరెస్ట్ చేశామని ఎల్బీనగర్ డీసీపీ సన్ ప్రీత్ సింగ్ తెలిపారు. వారు జహీరాబాద్కు చెందిన వారిగా గుర్తించామన్నారు. ఏపీ నుంచి గంజాయిని తీసుకొచ్చి ఇతర రాష్ట్రాలకు సరఫరా చేస్తున్నారని చెప్పారు. వీరితో పాటు మరో ఇద్దరు పరారీలో ఉన్నట్టు డీసీపీ తెలియచేశారు.
పరారీలో ఉన్న ప్రధాన నిందితుడు అర్జున్కి ఏపీలోని గంజాయి సరఫరాదారులతో పరిచయాలు ఉన్నాయి. అక్కడి నుంచి తక్కువ ధరకు గంజాయిని తీసుకువచ్చి ఇతర ప్రాంతాల్లో ఎక్కువ ధరకు అమ్ముతున్నాడు. ఏపీ నుంచి హైదరాబాద్కు కారులో గంజాయి తీసుకువస్తుండంగా పోలీసుల తనిఖీల్లో నిర్వహించారు. కారులో ఉన్న 358 కేజీల గంజాయిని గుర్తించి స్వాధీనం చేసుకున్నారు.
నిందితుల వద్ద నుంచి రూ.87లక్షల విలువైన 358కేజీల గంజాయి, 3 సెల్ ఫోన్లు, కారు స్వాధీనం చేసుకున్నామని తెలిపారు. పరారీలో ఉన్న ఇద్దరు నిందితులను త్వరలోనే పట్టుకుంటామని వెల్లడించారు. నిందితులపై పీడీయాక్ట్ పెట్టనున్నట్లు ఎల్బీనగర్ డీసీపీ సన్ ప్రీత్ సింగ్ తెలియచేశారు.
ఇదీ చదవండి: ఆ ఇంట్లో అర్ధరాత్రి రక్తపాతం.. దంపతుల దారుణ హత్య
ఎయిర్పోర్ట్లో 62 కిలోల హెరాయిన్ సీజ్.. విలువ రూ.430 కోట్ల పైనే!
