మారేడ్‌పల్లి మాజీ ఇన్​స్పెక్టర్​ నాగేశ్వరరావుకు 14 రోజుల రిమాండ్..

author img

By

Published : Jul 11, 2022, 10:47 PM IST

Nageswarrao Remand

22:35 July 11

Nageswarrao Remand: నాగేశ్వరరావుకు 14 రోజుల జ్యూడిషియల్ రిమాండ్

Nageswarrao Remand: మహిళపై అత్యాచారం కేసులో అరెస్టైన మారేడ్‌పల్లి మాజీ ఇన్​స్పెక్టర్ నాగేశ్వరరావుకు న్యాయమూర్తి రిమాండ్ విధించారు. ఉదయం నుంచి నాగేశ్వరావును విచారించిన వనస్థలిపురం పోలీసులు హయత్‌నగర్ కోర్టు న్యాయమూర్తి నివాసంలో హాజరు పరిచారు. నిందితునికి న్యాయమూర్తి 14 రోజుల జ్యూడిషియల్ రిమాండ్ విధించారు.

అరెస్ట్: అత్యాచారం ఆరోపణలతో సస్పెండ్​ అయిన మారేడ్​పల్లి మాజీ ఇన్‌స్పెక్టర్‌ నాగేశ్వరరావు అరెస్టయ్యారు. రాచకొండ ఎస్​వోటీ పోలీసులు నాగేశ్వరరావును అరెస్ట్ చేశారు. నాగేశ్వరరావు గత రెండేళ్లుగా బాధితురాలిని లైంగికంగా వేధిస్తున్నట్లు ఆధారాలు సేకరించిన పోలీసులు.. సెక్షన్ 452, 376(2), 307, 448, 365 ఐపీసీ, ఆయుధాల చట్టం సెక్షన్ 30 కింద కేసు నమోదు చేసి దర్యాప్తు చేస్తున్నారు.

అసలేం జరిగిందింటే: ఈ నెల 6న వివాహితపై అత్యాచారం చేసి, బాధితురాలితో పాటు ఆమె భర్తను బలవంతంగా రంగారెడ్డి జిల్లా ఇబ్రహీంపట్నం పరిధిలోని ఎల్మినేడుకు కారులో తీసుకెళుతుండగా కారు ప్రమాదానికి గురైంది. కారు నడుపుతున్న నాగేశ్వరరావు భుజానికి గాయం కావడంతో బాధిత దంపతులిద్దరూ తప్పించుకొని వనస్థలిపురం పోలీసులకు ఫిర్యాదు చేయగా ఈ దురాగతం బయటపడింది. హైదరాబాద్‌ సీపీ సీవీ ఆనంద్‌ ఇన్​స్పెక్టర్​ను సస్పెండ్‌ చేశారు. ప్రమాదంలో గాయపడిన ఇన్​స్పెక్టర్ తొలుత అజ్ఞాతంలోకి వెళ్లాడు. బాధితులతో మాట్లాడి రాజీ కుదుర్చుకునేందుకు యత్నించాడు. కేసును సీరియస్‌గా తీసుకున్న పోలీసు ఉన్నతాధికారులు ఆయనను పట్టుకొనేందుకు మూడు పోలీసు బృందాలను రంగంలోకి దించారు. ఈ క్రమంలోనే ఎస్​వోటీ పోలీసులు నేడు నాగేశ్వరరావును అరెస్ట్​ చేశారు.

ఇవీ చదవండి:

మారేడుపల్లి ఇన్​స్పెక్టర్ నాగేశ్వర్ రావు అరెస్ట్

స్టాఫ్ సెలక్షన్ కమిషన్ జాబ్ నోటిఫికేషన్.. ఇంటర్​ పాసైతే చాలు!

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.