మహబూబ్నగర్ జిల్లాలో అనుమానాస్పద స్థితిలో లభించిన ఓ వ్యక్తి మృతదేహం కలకలం సృష్టించింది. నారాయణపేట జిల్లాలోని మరికల్ మండలం గాజులయ్య తండాకు చెందిన కుమార్ నాయక్ (30)తన ముగ్గురు మిత్రులతో కలిసి సోమవారం తెల్లవారుజామున… మరికల్ మీదుగా మహబూబ్నగర్ జిల్లా దేవరకద్రవైపు కారులో వెళ్తూ పెద్ద గోప్లాపూర్ దగ్గర కారు నిలిపి బయటకు దిగారు.
డీజిల్ దొంగలుగా అనుమానించిన ఇసుక మాఫియా సభ్యులు ట్రాక్టర్లపై వెళ్తూ… కారులో నుంచి దిగిన ఇద్దరు వ్యక్తులను వెంబడించారు. కారులో ఉన్న ఇద్దరు, మరో యువకుడు మాఫియా సభ్యుల నుంచి తప్పించుకున్నారు. మిగిలిన యువకుడు తప్పించుకునే ప్రయత్నం చేశాడు. ఈ ప్రయత్నంలో గోప్లాపూర్ సమీపంలో ఉన్న బావిలో ప్రమాదవశాత్తు పడ్డాడా, లేక వెంబడించిన వారు హత్య చేసి బావిలో వేశారా అని బాధిత కుటుంబ సభ్యులు అనుమానం వ్యక్తం చేస్తున్నారు.
బాధితుడి బంధువులు, మిత్రులు మాత్రం హత్య చేసి బావిలో వేశారని పలువురు ఆరోపిస్తున్నారు. పోలీసులు ఘటనా స్థలానికి చేరుకుని మృతదేహాన్ని క్రేన్ సాయంతో బయటకు తీసి మృతదేహాన్ని జిల్లా ఆసుపత్రి తరలించారు. పోస్టుమార్టంలో వచ్చే నివేదిక ఆధారంగా విచారణ కొనసాగించనున్నట్లు పోలీసులు తెలిపారు. మృతునికి భార్య రాధమ్మ, ఇద్దరు కుమార్తెలు, ఒక కుమారుడు కలరు. ఘటనా స్థలంలో సీఐ రజితా రెడ్డి, భగవంత రెడ్డి విచారణ చేపట్టారు.
ఇదీ చూడండి: Father, Daughter dead: తండ్రి, కూతుర్ని నీట ముంచిన మృత్యువు
