నల్గొండ జిల్లా మిర్యాలగూడలో కాంగ్రెస్ పార్టీ కౌన్సిలర్ దౌర్జన్యానికి పాల్పడ్డాడు. ముగ్గురు యువకులను కౌన్సిలర్ జానీ చితకబాదాడు. దాడి దృశ్యాలు సీసీ పుటేజీలో రికార్డ్ అయ్యాయి. థియేటర్లో ఆయన అనుచరుడికి ముగ్గురు యువకుల మధ్య చిన్న గొడవ జరిగింది. దీంతో అతను జానీకి ఫోన్చేసి విషయం చెప్పాడు. వెంటనే 10 మంది యువకులతో కలిసి కౌన్సిలర్ థియేటర్ వద్దకు చేరుకుని ముగ్గురు వ్యక్తులపై దాడికి దిగాడు.
విషయం తెలుసుకున్న కానిస్టేబుల్ థియేటర్లో గొడవను ఆపేందుకు యత్నించాడు. ఆయనను కూడా పక్కకు తోసివేశారు. ఈ దాడిలో నాగరాజు అనే యువకుడికి తీవ్రగాయాలయ్యాయి. అతన్ని వైద్యం కోసం ఆస్పత్రికి తరలించారు. బాధితుల ఫిర్యాదు మేరకు పోలీసులు కౌన్సిలర్పై కేసు నమోదు చేశారు. నిందితుడిని అరెస్ట్ చేసి రిమాండ్కు తరలించారు.
ఇదీ చదవండి: గ్యాస్ రీఫిల్ సెంటర్‌లో పేలుడు... శరీరం రెండు ముక్కలై.. వ్యక్తి మృతి
