మంచిర్యాల జిల్లా జన్నారం మండలం రోటిగూడలో విషాదం నెలకొంది. విద్యుదాఘాతంతో (Electric shock)32 గేదెలు మృతిచెందాయి.
రోటిగూడ గ్రామశివారులో మేతకు వెళ్లిన పశువుల మంద.. తెగిపడిన విద్యుత్ తీగలను తాకడం వల్ల ఒక్కసారిగా నేలకొరిగాయి. సమాచారం అందుకున్న యజమానులు.. మృత్యువాత పడిన పశువులను చూసి కన్నీటిపర్యంతం అయ్యారు. పాడి పరిశ్రమతోనే ముడిపడిన తమ జీవితాలకు ఇప్పుడు ఆధారం ఏంటంటూ రోధించారు. ఈ ఘటనకు విద్యుత్ శాఖ అధికారుల కారణమని ఆరోపించారు. వారే తమకు న్యాయం చేయాలని.. బాధ్యులపై చర్యలు తీసుకోవాలని కోరారు.
ఈ ఘటనపై విచారం వ్యక్తం చేసిన ఎన్పీడీసీఎల్ (NPDCL) ఎస్ఈ రమేష్బాబు.. ఒక్కో పశువుకు రూ.40 వేల చొప్పున పరిహారం చెల్లిస్తామని రైతులకు హామీ ఇచ్చారు.
ఇవీచూడండి: కేసీఆర్ సార్.! మా సమస్యలు వినండి.. ప్రగతి భవన్ ఎదుట యువతి హల్చల్
