మేడ్చల్-మల్కాజిగిరి జిల్లా మైసమ్మగూడలో విషాదం చోటుచేసుకుంది. ఇంజినీరింగ్ చదువుతున్న మాధవి అనే విద్యార్థిని ఆత్మహత్యకు పాల్పడింది. జనగామ జిల్లా లింగాల ఘనపురం ప్రాంతానికి చెందిన కొయేటి మాధవి మైసమ్మగూడలోని మల్లారెడ్డి కళాశాలలో ఇంజినీరింగ్ మూడో సంవత్సరం చదువుతోంది. అదే ప్రాంతంలో ఉన్న ఓ ప్రైవేట్ హాస్టల్లో ఉంటోంది. అయితే 15 రోజుల క్రితం మాధవి తండ్రి చనిపోయారు. అప్పటి నుంచి ఇంటి వద్దే ఉన్న మాధవి.. రెండు రోజుల క్రితం హాస్టల్కు వచ్చింది.
శుక్రవారం సాయంత్రం తన రూమ్మెట్స్ బయటకు వెళ్లగా.. మాధవి రూమ్లోనే ఉండి తన తండ్రి మరణాన్ని తలచుకుని తీవ్ర మనస్తాపానికి గురైంది. ఈ క్రమంలోనే గదిలోని ఫ్యాన్కు ఉరి వేసుకొని ఆత్మహత్య చేసుకుంది. తోటి స్నేహితులు గదికి తిరిగి వచ్చి చూసేసరికి ఫ్యాన్కు వేలాడుతూ కనిపించింది. వారు వెంటనే చుట్టు పక్కల వారికి విషయం చెప్పారు.
స్థానికులు పోలీసులకు సమాచారం అందించారు. ఘటనా స్థలికి చేరుకున్న పోలీసులు మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నారు.
