వివాహేతర సంబంధాలు.. దాంపత్య బంధాన్ని కడతేర్చుతున్నాయి. ఆ మోజులో పడి కట్టుకున్న వాడిని.. కడుపున పుట్టిన వాళ్లను సైతం వదిలేసేందుకు సైతం సిద్ధమవుతున్నారు. అడ్డొస్తే చంపడానికి సైతం వెనకాడటం లేదు. ఆ తర్వాత జరిగే పరిణామాలు తెలిసినా.. క్షణిక సుఖాల కోసం కుటుంబాలను వీధిపాలు చేస్తున్నారు. తాజాగా ఇలాంటి ఘటనే కుమురంభీం ఆసిఫాబాద్ జిల్లాలో చోటుచేసుకుంది.
కుమురంభీం ఆసిఫాబాద్ జిల్లాలోని సిర్పూర్ టి మండలం ఇటుకల పహాడ్‌లో ప్రియుడితో కలిసి ఓ మహిళ తన భర్తను హత్య చేసింది. అటవీశాఖ ప్లాంటేషన్లో కూలీ పనుల కోసం దేవేందర్, పార్వతి అనే దంపతులు మధ్యప్రదేశ్ నుంచి వచ్చారు. ఈ క్రమంలో అక్కడే పార్వతికి రామ్లాల్ అనే యువకుడి పరిచయం ఏర్పడింది అది కాస్తా ప్రేమగా మారింది. గత ఆదివారం భార్య పార్వతి ప్రియుడు రామ్లాల్తో ఏకాంతంగా ఉండడం చూసి దేవేందర్ పార్వతిని మందలించాడు.
దీంతో ప్రశ్నించిన భర్తను భార్య పార్వతి ప్రియుడుతో కలిసి కర్రతో బాది గొంతునలిమి హత్య చేశారు. తాగిన మైకంలో మొత్తం ఘటనను తోటి కూలీలకు రామ్లాల్ చెప్పడంతో ఈ ఘటన వెలుగులోకి వచ్చింది. విషయం తెలుసుకున్న పోలీసులు కేసు నమోదు చేసుకుని.. నిందితులను అదుపులోకి తీసుకుని విచారిస్తున్నారు.
ఇవీ చదవండి:
