నేడు భాగ్యనగరంలో ట్రాఫిక్​ ఆంక్షలు.. ప్రయాణికులు గమనించాలి..

author img

By

Published : Sep 16, 2022, 2:25 PM IST

Updated : Sep 17, 2022, 6:08 AM IST

Traffic restrictions in hyderabad city

Traffic restrictions in hyderabad city: నేడు ఎన్​టీఆర్​ స్టేడియంలో జరిగే బహిరంగ సభకు ట్రాఫిక్​ పోలీసులు ఆంక్షలు విధించనున్నారు. నగరంలో కొన్ని ప్రాంతాల్లో ట్రాఫిక్​ ఆంక్షలు ఉంటాయని తెలిపారు. కావున ప్రజలు, ప్రయాణికులు సహకరించాలని కోరారు.

Traffic restrictions in hyderabad city: తెలంగాణ జాతీయ సమైక్యత వజ్రోత్సవాల్లో భాగంగా హైదరాబాద్​లోని ఎన్టీఆర్ స్టేడియంలో జరిగే సీఎం కేసీఆర్​ బహిరంగ సభ కారణంగా నగరంలోని కొన్ని ప్రాంతాల్లో ట్రాఫిక్​ పోలీసులు ఆంక్షలు విధించనున్నారు. ప్రజలు, ప్రయాణికులు తమకు సహకరించాలని పోలీసులు కోరారు. ప్రతి జిల్లా నుంచి ఎన్​టీఆర్​ స్టేడియానికి 2,300 బస్సుల్లో దాదాపు లక్ష మంది ప్రజానికం వస్తారని ట్రాఫిక్​ వారు భావిస్తున్నారు. అందువల్ల నగరంలో కొన్ని ప్రాంతాల్లో ట్రాఫిక్​ మళ్లింపులు ఉంటాయన్నారు.

ఈ తెలంగాణ విమోచన వేడుకలు కారణంగా జరిగే బహిరంగసభకు పెద్దఎత్తున ప్రజలు రావడంతో ఎన్​టీఆర్​ స్టేడియానికి వెళ్లే మార్గాల్లో ఉన్న హైదరాబాద్‌ సెంట్రల్ జోన్‌, పలు ప్రాంతాల్లో ట్రాఫిక్ ఆంక్షలు ఉండనున్నాయని ట్రాఫిక్​ పోలీసులు తెలిపారు. ఇందిరాపార్కు చుట్టూ 3 కిలోమీటర్ల మేర ట్రాఫిక్ ఆంక్షలు అమలు చేస్తున్నట్లు పేర్కొన్నారు.

ట్రాఫిక్​ మళ్లింపు: కవాడిగూడ, అశోక్‌నగర్, ముషీరాబాద్‌ కూడళ్ల నుంచి ట్రాఫిక్ మళ్లిస్తున్నట్లు వారు తెలిపారు. అలాగే ఇందిరాపార్కు. లిబర్టీ, నారాయణగూడ కూడళ్ల నుంచి వాహనాలను వేరే మార్గంలో ట్రాఫిక్ మళ్లిస్తున్నామన్నారు. రాణిగంజ్, నెక్‌లేస్‌రోడ్ కూడళ్ల వైపు వెళ్లే వాహనాలను సైతం దారి మళ్లిస్తున్నట్లు పేర్కొన్నారు.

ఎన్టీఆర్ ఘాట్, అంబేడ్కర్‌ విగ్రహం వద్ద కళాకారుల ప్రదర్శనలు ఉండడంతో ఆ ప్రాంతంలో వచ్చే వాహనాలకు అనుమతిలేదని, ప్రత్యామ్నాయ మార్గాలు వెతుక్కోవాలని సూచించారు. ఈ ట్రాఫిక్​ ఆంక్షల మళ్లింపునకు ప్రజలు, ప్రయాణికులు సహకరించి, దయచేసి ప్రత్యామ్నాయ దారులను ఎంచుకోవాలని ట్రాఫిక్​ పోలీసులు కోరారు.

ఇవీ చదవండి:

Last Updated :Sep 17, 2022, 6:08 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.