• మాజీ మంత్రి నారాయణ అరెస్ట్​..

తెలుగుదేశం పార్టీ సీనియర్ నేత, మాజీమంత్రి నారాయణను ఏపీ పోలీసులు హైదారాబాద్‌లో అదుపులోకి తీసుకున్నారు. ఏపీలో ఇటీవల జరిగిన పదో తరగతి ప్రశ్నాపత్రాల లీకేజీల వ్యవహారంలో ఆయన్ను అదుపులోకి తీసుకున్నట్లు చిత్తూరు పోలీసులు ప్రకటించారు. హైదరాబాద్‌లో కారులో వెళ్తున్న నారాయణ దంపతులను అదుపులోకి తీసుకున్న పోలీసులు.. వారి సొంత కారులోనే ఏపీకి తరలిస్తున్నారు.

• వ్యవసాయ పొలంలో ఇల్లు కట్టుకోవటం తప్పా..

పొలం మధ్యలో ఇల్లు కట్టుకున్నంత మాత్రాన ఫామ్‌హౌస్‌ ముఖ్యమంత్రి అయిపోతారా అని పురపాలక శాఖ మంత్రి కేటీఆర్‌ ప్రతిపక్షాలను నిలదీశారు. కేసీఆర్‌ పుట్టిందే ఉన్నత కుటుంబంలోనని.. రైతుల కష్టాలు తెలుసన్నారు . అందుకే 6 ఏళ్లలో ఎన్నో కార్యక్రమాలు చేపట్టారని వివరించారు. 60 ఏళ్లలో అధికారంలో ఉన్న పార్టీలు అన్నదాతల కోసం ఏం చేశాయని ఆయన ప్రశ్నించారు.

• పుట్టిన కాసేపటికే ఇద్దరు పసికందులు మృతి..

పండంటి పిల్లలు పుట్టారన్న ఆనందాన్ని ఆ కుటుంబీకులు ఆస్వాదించేలోపే.. ఆవిరైపోయింది. ముట్టుకుంటే ముడుచుకుపోతున్న ఆ పసికందుల్ని ఎత్తుకుని ముద్దాడాలన్న వారి ఆశలు అడియాశలుగా మారాయి. ఎప్పుడెప్పుడు ఒళ్లోకి తీసుకుందామా అని ఎదురు చూస్తున్న వారికి.. విగతజీవులుగా మారిన పసికందుల్ని చూసి గుండె పగిలినంతపనైంది. ఈ ఘటన హైదరాబాద్​ పాతబస్తీలో జరిగింది.

• అధికారులపై యువకుడి​ దాడి..

జగిత్యాల జిల్లా బీర్​పూర్ మండలం తుంగూరులో ఓ యువకుడు అధికారులపై పెట్రోల్​ దాడి చేశారు. దారి విషయంలో ఉన్న వివాదాన్ని పరిష్కరించేందుకు వెళ్లిన అధికారులపై గంగాధర్ అనే స్థానికుడు.. క్రిమిసంహారక మందులు పిచికారి చేసే స్ప్రేయర్ తో పెట్రోల్ తో స్ప్రే చేసి నిప్పంటించాడు. ఈ ఘటనలో ఎంపీవో రామకృష్ణకు ఒక్కసారిగా మంటలు అంటుకున్నాయి.

• దేశద్రోహం కేసులను ఎందుకు నిలిపివేయకూడదు?

దేశద్రోహం చట్టాన్ని పునఃపరిశీలిస్తామని కేంద్రం పేర్కొన్న నేపథ్యంలో సుప్రీంకోర్టు కీలక వ్యాఖ్యలు చేసింది. పునఃపరిశీలన పూర్తి చేసే వరకు ఈ చట్టం కింద చర్యలు తీసుకోకుండా రాష్ట్రాలను ఎందుకు ఆదేశించడం లేదని ప్రశ్నించింది.

• హైదరాబాద్​లో ఉగ్రవాదుల రెక్కీ...

హైదరాబాద్​ సహా దేశంలోని పలు ప్రాంతాల్లో రెక్కీ నిర్వహించిన ఉగ్రవాదులను హరియాణా పోలీసులు అరెస్టు చేశారు. వీరు నాందేడ్​లో నాలుగు రోజుల పాటు ఉన్నారని వెల్లడించారు. మరోవైపు, నాగ్​పుర్ రైల్వే స్టేషన్​లో పేలుడు పదార్థాలు బయటపడటం కలకలం రేపుతోంది.

• శ్రీలంకలో హింస.. రాజపక్స ఇంటికి నిప్పు..

ఆర్థిక, రాజకీయ సంక్షోభంలో కొట్టుమిట్టాడుతున్న ద్వీపదేశం శ్రీలంకలో సోమవారం అనూహ్య పరిణామాలు నెలకొన్నాయి. ప్రజలు, ప్రతిపక్షాలు చేస్తున్న నిరసనల నేపథ్యంలో ప్రధానమంత్రి మహీంద రాజపక్స వెనక్కితగ్గి.. తన పదవికి రాజీనామా చేశారు. నిరసన కారులు ప్రజాప్రతినిధుల ఇళ్లు, కార్యాలయాలపై విధ్వంసానికి దిగారు.

• మరింత వేగంగా ఉచిత వైఫై సేవలు..

రైల్వేస్టేషన్లలో మరింత వేగవంతమైన ఉచిత వైఫై అందించేందుకు 'పీఎం- వాణి' సేవలకు శ్రీకారం చుట్టింది రైల్‌టెల్‌. ప్రస్తుతం దేశవ్యాప్తంగా ఉన్న 6,102 రైల్వే స్టేషన్లలో రైల్‌టెల్‌ వైఫై సేవలు అందుబాటులో ఉన్నాయి.

• పీవీ సింధు జోరు.. క్వార్టర్స్​లో భారత్​

ఉబెర్​ కప్​ 2022లో భారత్​ 4-1తేడాతో యూఎస్​ఏను ఓడించి క్వార్టర్​ ఫైనల్స్​లో అడుగుపెట్టింది. పీవీ సింధు 21-10, 21-11 తేడాతో గెలవగా.. మిగతా భారత ప్లేయర్లు కూడా మంచి ప్రదర్శన చేసి టోర్నీలో మరో అడుగు ముందుకేశారు.

• 'గాడ్​ఫాదర్'​ రిలీజ్ డేట్​..

కొత్త సినిమాలకు సంబంధించిన కొన్ని అప్డేట్స్​ సోషల్​మీడియాలో చక్కర్లు కొడుతున్నాయి. వీటిలో చిరంజీవి 'గాడ్​ఫాదర్'​ రిలీజ్ డేట్​, నాగార్జున 'ది ఘోస్ట్'​ కొత్త షెడ్యూల్​, అల్లరినరేశ్​ 'ఇట్లు మారేడుమిల్లి ప్రజానీకం' ఫస్ట్​లుక్​ పోస్టర్​ వివరాలు ఉన్నాయి.