• మాజీ మంత్రి నారాయణ అరెస్ట్​

తెలుగుదేశం పార్టీ సీనియర్ నేత, మాజీమంత్రి నారాయణను చిత్తూరు పోలీసులు అదుపులోకి తీసుకున్నారు. రాష్ట్రంలో ఇటీవల వరుసగా జరిగిన పదోతరగతి ప్రశ్నాపత్రాల లీకేజీ వ్యవహారంలో ఆయన్ను అదుపులోకి తీసుకున్నట్లు సమాచారం.

• వందకు చేరువ.. సాగులో వారెవ్వా..

ప్రస్తుతం 40 ఏళ్లు రాగానే కాళ్లూచేతులు టాటా చెబుతున్నాయి. నడుము సెండాఫ్ ఇచ్చేస్తోంది. ఇక 60 ఏళ్ల వాళ్లు బెడ్‌పై నుంచి లేవలేని స్థితిలో ఉంటున్నారు. ఆరు పదుల వయసులోనూ కాస్త ఆరోగ్యంగా ఉంటే.. కాలు కింద పెట్టకుండా విశ్రాంతి తీసుకోవాలనుకుంటున్నారు. వృద్ధాప్యాన్ని సాఫీగా ఎంజాయ్ చేయాలనుకుంటున్నారు. కానీ వయసు సెంచరీకి చేరువైన ఓ వృద్ధురాలు మాత్రం కాటికి కాలు చాపిన వయసూలోనూ చురుగ్గా వ్యవసాయం చేస్తోంది. అదీ సేంద్రీయ పద్ధతిలో.. ఇంతకీ ఎవరా వృద్ధురాలు.. ఆమె స్టోరీ ఏంటో చదివేయండి..

• పెంచుకుంటామని.. మరొకరికి అమ్మేసి..

ఆడపిల్లలంటే ఇష్టమని.. పెంచుకుంటామని నమ్మించి.. రహస్యంగా ఆ శిశువును విక్రయించిన ఘటన ఏపీలోని అల్లూరు సీతారామరాజు జిల్లాలో జరిగింది. విషయం తెలుసుకున్న ఛైల్డ్‌లైన్‌ టీమ్‌ 24 గంటల్లోనే శిశువును సంరక్షించి శిశు సంక్షేమ సంఘానికి అప్పగించారు.

• కాస్ట్​లీ 'మ్యాంగో'కు వడ దెబ్బ

కిలో రూ. 2.70 లక్షలు పలికే మియాజాకి సహా ఎన్నో రకాల మామిడి పండ్ల సాగు.. 15 సూపర్​ డాగ్స్​ సహా నలుగురు సిబ్బందితో 24 గంటలపాటు పహారా.. కొద్దిరోజుల్లో కోటీశ్వరుడు కావొచ్చని గంపెడాశలు.. కానీ ఆ రైతు ఆశలు.. అడియాశలయ్యాయి. ఎండల ధాటికి పంట దెబ్బతింది. అన్నదాతకు తీరని శోకాన్ని మిగిల్చింది. మధ్యప్రదేశ్​ జబల్​పుర్​లో.. ప్రపంచంలోనే అత్యంత ఖరీదైన మామిడి పండ్లను సాగుచేసే సంకల్ప్​ సింగ్​ పరిహార్​ కథే ఇది.

• దిల్లీలో మళ్లీ బుల్డోజర్లు

దిల్లీలో అక్రమ నిర్మాణాల కూల్చివేత కొనసాగుతూనే ఉంది. షాహీన్​బాగ్​లో ఉద్రిక్త పరిస్థితులు నెలకొనడం వల్ల సోమవారం వెనక్కితగ్గిన అధికారులు.. దేశరాజధానిలోని పలు ప్రాంతాల్లో తిరిగి కూల్చివేతలను ప్రారంభించారు. అడ్డుకోబోయిన స్థానిక ఎమ్మెల్యేను అరెస్ట్​ చేశారు పోలీసులు.

• ఆపదలో ఆదుకోని అంబులెన్స్.. చివరకి..

ఆపదలో ఆదుకోవాల్సిన అంబులెన్స్‌ (108) సకాలంలో సంఘటనా స్థలానికి చేరుకోలేదు. ఫలితంగా ఓ క్షతగాత్రుడు ప్రాణాపాయ స్థితిలో 3 గంటలకుపైగా వేచి చూడాల్సి వచ్చింది. చివరికి క్షతగాత్రుడి తరలింపునకు ప్రైవేటు వాహనమే దిక్కైంది.

• తెలంగాణ, ఏపీలో బంగారం ధర ఎంతంటే?

ఆంధ్రప్రదేశ్​, తెలంగాణలో బంగారం ధర స్వల్పంగా తగ్గింది. పది గ్రాముల స్వచ్ఛమైన పసిడి రూ.240కిపైగా దిగొచ్చింది. మరోవైపు పసిడి దారిలోనే.. వెండి ధర సైతం రూ.488 వరకు తగ్గింది. ప్రస్తుతం కిలో వెండి రూ.63,640గా ఉంది. 10 గ్రాముల మేలిమి బంగారం ధర రూ.53,040గా ఉంది. తెలుగు రాష్ట్రాల్లోని ప్రధాన నగరాల్లో బంగారం, వెండి ధరలు ఇలా ఉన్నాయి.

• రోహిత్‌శర్మ నాటౌట్‌.. థర్డ్‌ అంపైర్‌పై నెటిజన్ల ఫైర్

గతరాత్రి కోల్‌కతాతో జరిగిన మ్యాచ్‌లో ముంబయి కెప్టెన్‌ రోహిత్‌ శర్మ నాటౌట్‌ అంటూ నెటిజన్లు తీవ్ర ఆగ్రహం వ్యక్తం చేస్తున్నారు. అతడి విషయంలో థర్డ్‌ అంపైర్‌ తప్పుడు నిర్ణయం తీసుకున్నాడని మండిపడుతున్నారు.

• 'గాడ్​ఫాదర్'​ రిలీజ్ డేట్

మెగాస్టార్​ చిరంజీవి కథానాయకుడిగా మోహన్‌ రాజా దర్శకత్వంలో తెరకెక్కుతున్న పొలిటికల్‌ యాక్షన్‌ డ్రామా 'గాడ్‌ ఫాదర్'. మలయాళంలో ఘన విజయం సాధించిన 'లూసిఫర్‌'రీమేక్‌గా ఈ సినిమా తెరకెక్కుతోంది. ఆగస్టు 12న విడుదల చేయబోతున్నట్లు తెలిసింది. త్వరలోనే దీనిపై స్పష్టత రానుంది.

• 41 ఏళ్ల వయసులో హీరోయిన్ ప్రెగ్నెంట్

'సొంతం', 'జెమినీ' చిత్రాలతో మంచి విజయాన్ని అందుకున్న ఒకప్పటి ముద్దుగుమ్మ నమిత. 2017లో వివాహ బంధంలోకి అడుగుపెట్టిన ఈ భామ... త్వరలోనే తల్లి కాబోతుంది. ఈ విషయాన్ని నేడు(మంగళవారం) తన పుట్టినరోజు సందర్భంగా తెలియజేస్తూ బేబీ బంప్​ ఫొటోలను సోషల్​మీడియాలో పోస్ట్​ చేసింది నమిత. 'నాలో ఏదో మార్పు మొదలైంది' అంటూ వ్యాఖ్య రాసుకొచ్చింది. వాటిని చూసేద్దాం..