Rains in Hyderabad: హైదరాబాద్ మహా నగర ప్రజలకు ట్రాఫిక్ పోలీసులు కొన్ని సూచనలు జారీ చేశారు. భారీ వర్షాలు కురుస్తున్నందున తమ సూచనలు పాటించి ప్రజలంతా అప్రమత్తంగా ఉండాలని కోరారు. ఉదయం 11 గంటల వరకు భారీ వాన పడే అవకాశం ఉన్నందున ప్రజలంతా ఇంటి పట్టునే ఉండాలని చెప్పారు. అత్యవసర సమాయాల్లో బయటకు వస్తే వాహనదారులు అప్రమత్తంగా ఉండాలని సూచించారు.
వాన తగ్గగానే వెంటనే బయటకు రావొద్దని ట్రాఫిక్ పోలీసులు సూచించారు. అందరూ ఓ గంట తమ ప్రయాణాన్ని వాయిదా వేసుకోవాలని చెప్పారు. వర్షం తగ్గిన గంట.. రెండు గంటల తర్వాత బయటకు రావాలని ట్రాఫిక్ పోలీసులు తెలిపారు. వరద నీరు భారీగా రహదారులపై చేరడం వల్ల ట్రాఫిక్కు అంతరాయం కలిగే అవకాశం ఉందని అన్నారు. కొన్ని ముఖ్యమైన రోడ్లలో వాహనదారులు ఇతర మార్గాలను వెళ్లాల్సిన అవసరం ఉందని వివరించారు.
