• వచ్చే ఎన్నికల్లోనూ తెరాసదే విజయం

కేంద్ర ప్రభుత్వం అవ‌లంభిస్తోన్న విధానాల‌పై పుర‌పాల‌క శాఖ మంత్రి కేటీఆర్ ఫైర్ అయ్యారు. పెరిగిన‌న ఎల్పీజీ, పెట్రోల్ ధ‌ర‌ల పాపం కేంద్రానిదే అన్నారు. రాజకీయాల్లోకి రావాలనుకుంటే యువత అత్యంత సహనంతో కఠినంగా వర్క్ చేయాలని కేటీఆర్ సలహా ఇచ్చారు. ముఖ్యమంత్రి కేసీఆర్ తర్వాత దేశంలో తనకు అత్యంతమైన నాయకుడు మాజీ రాష్ట్రపతి అబ్దుల్ కలాం అని పేర్కొన్నారు.

• 'వైద్యులు అందుబాటులో ఉండాలి'

వైద్యవిద్య పరిధిలోని ఆస్పత్రుల ప‌నితీరుపై ఆ శాఖ అధికారులతో మంత్రి హరీశ్‌రావు వీడియో కాన్ఫరెన్స్ నిర్వహించారు. వైద్యులు ఉదయం 9 నుంచి సాయంత్రం 4 గంటల వరకు ఆస్పత్రుల్లో అందుబాటులో ఉండాలని సూచించారు.

• నిరాదారణకు గురైన పథకం

ప్రైవేటు అప్పులు తీసుకుని ఇబ్బందులు పడుతున్న రైతులను ఆదుకునేందుకు ఓ పథకం ఉంది. కానీ, అది నత్తనడకన అమలవుతోంది. నిర్దేశించిన లక్ష్యంలో కనీసం 10 శాతం అంచనాలను అందుకోలేకపోతోంది. అసలు ఇలాంటి ఓ పథకం ఉందనే విషయం అన్నదాతలకు తెలియకపోవటం కారణమని అధికారులు చెబుతున్నారు.

• వెలుగులోకి కీలక అంశాలు!

సరూర్‌నగర్‌ హత్య కేసులో కీలక విషయాలు వెలుగులోకి వస్తున్నాయి. ఆశ్రిన్‌ సుల్తానా ఇష్టం లేని పెళ్లి చేసుకుందనే పగతోనే... ఆమె సోదరుడు మోబిన్‌ పక్కా పథకం ప్రకారం నాగరాజును హత్యచేసినట్లు పోలీసులు నిర్ధరించారు. ఘాతుకానికి పాల్పడిన ఇద్దరు నిందితులు మోబిన్‌ అహ్మద్‌, మసూద్‌ రిమాండ్‌ రిపోర్ట్‌లో హత్యకు దారి తీసిన పరిస్థితులు, నిందితుల పథక రచన వివరాలను పొందుపర్చారు.

• ప్రాణాలను బలిగొన్న అతివేగం..

అతివేగం నిండు ప్రాణాలను కబలించింది. ఒక్కరి తప్పు తొమ్మిది మంది మృతికి కారణమైంది. కామారెడ్డి జిల్లాలో జరిగిన ఘోర రోడ్డు ప్రమాదం కొన్ని కుటుంబాల్లో విషాదం నింపింది. పలువురికి తీవ్ర గాయాలవ్వటంతో పాటు మరికొందరి పరిస్థితి విషమంగా ఉంది.

• 'ఇడ్లీ అమ్మ' కు కొత్త ఇల్లు...

'ఇడ్లీ అమ్మ'కు ఇల్లు కట్టించి ఆమె కల నెరవేర్చారు ప్రముఖ పారిశ్రామిక వేత్త ఆనంద్​ మహీంద్రా. తమిళనాడుకు చెందిన కమలాత్తాళ్​కు సొంత ఇల్లు కట్టిస్తానని గతంలో ట్విట్టర్​ వేదికగా ఆయన ప్రకటించారు . ఆదివారం మాతృదినోత్సవం సందర్భంగా ఇచ్చిన మాటను నిలబెట్టుకుంటూ కొత్త ఇంటిని కానుకగా ఇచ్చారు.

• చైనా విధేయుడికే హాంకాంగ్​ పగ్గాలు..

హాంకాంగ్​ నగర నూతన అధిపతిగా చైనా అనుకూల నేత జాన్​ లీ ఎన్నికయ్యారు. గతంలో హాంకాంగ్​లో జరిగిన ప్రజాస్వామ్య ఉద్యమాన్ని ముఖ్య అధికారిగా కఠినంగా అణిచివేసిన లీ వైపే అక్కడి ప్రజలు మొగ్గు చూపారు.

• సెప్టెంబర్ కల్లా 'ఎస్​సీఐ' వేలం..

ఈ ఏడాది సెప్టెంబర్ నాటికి షిప్పింగ్ కార్పొరేషన్ ఆఫ్ ఇండియా (ఎస్‌సీఐ) కోసం ప్రభుత్వం.. ఫైనాన్షియల్ బిడ్లను ఆహ్వానించే అవకాశముంది. సంస్థ నాన్-కోర్ ఆస్తుల విభజన ప్రక్రియ పూర్తయిన తర్వాత ఆర్థిక బిడ్లను పిలువనున్నట్లు అధికార వర్గాలు తెలిపాయి. 3-4 నెలల్లో ఈ ప్రక్రియను పూర్తి చేసి ఆర్థిక బిడ్లను ఆహ్వానిస్తామని ఓ అధికారి పేర్కొన్నారు.

• దిల్లీని చిత్తు చేసిన ధోనీ సేన..

అసలైన ఛాంపియన్‌ ఆటను చెన్నై అభిమానులకు రుచి చూపించింది. మంచి ఫామ్‌లో ఉన్న దిల్లీపై 91 పరుగుల తేడాతో చెన్నై ఘన విజయం సాధించింది. టాస్‌ ఓడి తొలుత బ్యాటింగ్‌ చేసిన చెన్నై నిర్ణీత 20 ఓవర్లలో ఆరు వికెట్ల నష్టానికి 208 పరుగులు చేసింది. అనంతరం లక్ష్య ఛేదనలో దిల్లీ 117 పరుగులకే ఆలౌటైంది.

• జోనర్​ ఒకటే.. మరి వైవిధ్యం ఎంత?

సినీ ఇండస్ట్రీలో అప్పుడప్పుడు ఒకే జోనర్​లో ఉండే సినిమాలు తెరపైకి రావడం సహజమే. కానీ ఆ చిత్రాలు ఒకేసారి విడుదలకు సిద్ధమైతే వాటి ఫలితం ఎలా ఉంటుందో చెప్పడం కష్టమే. అయితే ఇప్పుడు అలాంటి పరిస్థితే ఏర్పడనుంది. ఈ ఏడాది సేమ్​ జోనర్​లో తెరకెక్కిన చిత్రాలు బాక్సాఫీస్​ ముందు సందడి చేసేందుకు రెడీ అయ్యాయి. ఇంతకీ ఆ మూవీస్​ ఏంటో చూద్దాం..