దేశమంతా పర్యటించేందుకు అనుమతి ఉండేలా వాహనాలకు పర్మిట్‌ జారీకి కొత్త నిబంధనలు తేవాలని కేంద్ర రహదారి, రవాణాశాఖ నిర్ణయించింది. ప్రస్తుతం అమల్లో ఉన్న ఆల్‌ ఇండియా టూరిస్ట్‌ వెహికల్‌ (ఆథరైజేషన్‌ ఆర్‌ పర్మిట్‌)రూల్స్‌-2021ని రద్దు చేసి ఆల్‌ ఇండియా టూరిస్ట్‌ వెహికిల్స్‌ (పర్మిట్‌)రూల్స్‌ - 2022 తీసుకురావాలని నిర్ణయించి, ముసాయిదా విడుదల చేసింది.

తక్కువ ఫీజుతో, 10 సీట్లలోపు వాహనాలకూ ఆలిండియా పర్మిట్‌ ఇవ్వాలని ప్రతిపాదించారు. సీట్లకు తగ్గట్టే ఫీజు చెల్లించాల్సి ఉండటం వల్ల ఎక్కువ భారం పడదని పేర్కొంది. దరఖాస్తులను తిరస్కరించే ముందు, అధికారులు ప్రస్తావించిన లోపాలను సరిదిద్దుకోడానికి యజమానులకు ఒక అవకాశం ఇస్తారు. దరఖాస్తు చేసుకున్న వారం లోపు అధికారుల నుంచి స్పందన రాకపోతే, అనుమతి ఇచ్చినట్లుగానే భావించి ఎలక్ట్రానిక్‌ సిస్టం అందుకు సంబంధించిన అనుమతిని జనరేట్‌ చేస్తుంది.

ఫామ్‌-2 రూపంలో పర్మిట్‌ జారీచేస్తారు. అది కనీసం 3 నెలల నుంచి గరిష్ఠంగా 5 ఏళ్ల వరకు అమలులో ఉంటుంది. వాహనం తొలి రిజిస్ట్రేషన్‌ జరిగిన 12 ఏళ్ల తర్వాత పర్మిట్లు ఇవ్వరు. దిల్లీలో రిజిస్టర్‌ అయిన డీజిల్‌ వాహనాలకైతే 10 ఏళ్ల తర్వాత పర్మిట్లు జారీచేయరు. ఆల్‌ ఇండియా టూరిస్ట్‌ పర్మిట్‌ పొందిన యజమానులు, తమ పరిధిలోని రవాణా అధికారుల అనుమతితో సదరు పర్మిట్‌ను అదే విభాగానికి చెందిన మరో వాహనానికి మార్చుకోవచ్చు.

ఆల్‌ ఇండియా టూరిస్ట్‌ పర్మిట్‌ పొందిన వాహనాలకు వెనుకభాగంలో ఎడమవైపున నీలిరంగు బ్యాక్‌గ్రౌండ్‌లో, తెల్ల రంగులో ఆల్‌ ఇండియా టూరిస్ట్‌ పర్మిట్‌ అని రాయాలి. ప్రయాణికుల వివరాలన్నీ ఎలక్ట్రానిక్‌ / పత్రాల రూపంలో ఏడాదిపాటు అందుబాటులో ఉంచాలి.

పర్మిట్ కోసం ఫీజులు