పండుగ సీజన్ వచ్చేసింది. ఈ నేపథ్యంలో బ్యాంకులు భారీ ఆఫర్లను ప్రకటిస్తున్నాయి. హోం లోన్స్, వాహన రుణంపై వడ్డీ రాయితీ ఇస్తున్నాయి. ఇప్పటి వరకు వివిధ బ్యాంకులు ప్రకటించిన లోన్ ఆఫర్ల గురించి ఇప్పుడు తెలుసుకుందాం.
ఎస్బీఐ
ప్రభుత్వ రంగ బ్యాంకింగ్ దిగ్గజం ఎస్బీఐ అన్నింటికన్నా ముందుగా పండుగ సీజన్ ఆఫర్లు (SBI offers) ప్రకటించింది. క్రెడిట్ స్కోర్ ఆధారంగా ఇచ్చే హోం లోన్స్ (SBI Home loan) వడ్డీ రేటును 45 బేసిస్ పాయింట్లు తగ్గించింది.
ఇంతకు ముందు రూ.75 లక్షల వరకు హోం లోన్పై (SBI home loan Interest rate) 7.15 శాతం వడ్డీ వసూలు చేసేది ఎస్బీఐ. ఇకపై రుణ మొత్తంతో సంబంధం లేకుండా.. వడ్డీ రేటు 6.70గా ఉంటుందని వెల్లడించింది. ఈ నిర్ణయం వల్ల 30 ఏళ్ల కాల పరిమితితో.. రూ.75 లక్షల రుణం తీసుకుంటే రూ.8 లక్షల వరకు వడ్డీ భారం తగ్గనుందని తెలిపింది.
ఉద్యోగులతో పోలిస్తే.. ఉద్యోగేతరులకు మధ్య ఉన్న 15 బేసిస్ పాయింట్ల వడ్డీ రేటు అంతరాన్ని కూడా తొలగించింది ఎస్బీఐ.
పీఎన్బీ
పంజాబ్ నేషనల్ బ్యాంక్ (పీఎన్బీ) కూడా పండుగ సీజన్ ఆఫర్ (PNB offers) కింద.. రూ.50 లక్షలకుపైగా హోం లోన్ (PNB home loan offers) తీసుకుంటే.. 0.50 శాతం వడ్డీ రేటు తగ్గిస్తున్నట్లు తెలిపింది. దీనితో వడ్డీ రేటు 6.60 శాతానికి (PNB Home loan interest rate) దిగిరానుందని, ప్రభుత్వ రంగ బ్యాంకులు ఇస్తున్న వడ్డీ రేట్లలో ఇదే అత్యల్పమని పీఎన్బీ పేర్కొంది.
క్రెడిట్ స్కోరు అనుసంధానిత రుణాలపై ఈ ఆఫర్ వర్తిస్తుందని తెలిపింది పీఎన్బీ. ఇప్పటికే.. హోం లోన్స్, వాహన రుణం, పర్సనల్ లోన్స్, పెన్షన్ లోన్స్, ప్రాపర్టీ, గోల్డ్ లోన్స్పై 'ఫెస్టివల్ బొనాంజా ఆఫర్' కింద ప్రాసెసింగ్, సర్వీస్ ఛార్జీలను రద్దు చేసినట్లు వివరించింది.
బ్యాంక్ ఆఫ్ బరోడా
మూడో అతిపెద్ద ప్రభుత్వ రంగ బ్యాంక్.. బీఓబీ (బ్యాంక్ ఆఫ్ బరోడా) కూడా పండుగ సీజన్ ఆఫర్ (BoB offers) కింద హోం లోన్స్పై వడ్డీ రేట్లను 0.25 శాతం (BoB Home loan Interest rate) తగ్గిస్తున్నట్లు తెలిపింది. ప్రస్తుతం 7 శాతంగా ఉన్న హోం లోన్ వడ్డీ రేట్లు 6.75 శాతానికి దిగిరానున్నట్లు పేర్కొంది.
హెచ్డీఎఫ్సీ
ప్రైవేటు రంగ రుణ సంస్థ హెచ్డీఎఫ్సీ కూడా పండుగ సీజన్ ప్రత్యేక ఆఫర్లను (HDFC offers) తీసుకొచ్చింది. రుణ మొత్తం, కేటగిరీతో సంబంధం లేకుండా హోం లోన్స్ వార్షిక వడ్డీ రేటు 6.70 శాతం (HDFC home loan interest) నుంచి ప్రారంభమవనున్నట్లు తెలిపింది. సెప్టెంబర్ 20 నుంచి వచ్చే హోం లోన్ అప్లికేషన్స్ అన్నింటికీ కొత్త వడ్డీ రేట్లే వర్తిస్తాయిని పేర్కొంది.
క్రెడిట్ స్కోరు 800కు పైగా ఉన్న వినియోగదారులందరికీ.. 6.70శాతం వడ్డీకే రుణం లభిస్తుందని వివరించింది హెచ్డీఎఫ్సీ. ఇంతకుముందు రూ.75 లక్షల హోం లోన్పై వడ్డీ రేటు.. ఉద్యోగులకైతే 7.15 శాతం, ఉద్యోగేతరులకు 7.30 శాతంగా ఉండేది.
కోటక్ మహీంద్రా బ్యాంక్
ప్రైవేటు రంగ బ్యాంకింగ్ దిగ్గజం కోటక్ మహీంద్రా బ్యాంక్ కూడా పండుగ సీజన్ ఆఫర్ (Kotak Festival offers) ద్వారా.. హోం లోన్స్పై 0.15 శాతం వడ్డీని తగ్గిస్తున్నట్లు తెలిపింది. హోం లోన్స్పై 6.50 శాతం వడ్డీ వసూలు (Kotak interest rate on Home loans) చేయనున్నట్లు పేర్కొంది. మార్ట్గేజ్ రుణాలపై కూడా వడ్డీ రేటు 6.50 శాతం నుంచి ప్రారంభం కానున్నట్లు తెలిపింది. నవంబర్ 8 వరకు ఈ ఆఫర్ అందుబాటులో ఉంటుందని వివరించింది.
కొత్తగా తీసుకునే రుణాలతో పాటు.. ఇప్పటికే లోన్ మంజూరై ఖాతాలో డబ్బు జమ చేయాల్సిన వారికి కూడా వర్తిస్తుందని స్పష్టం చేసింది కోటక్ మహీంద్రా బ్యాంక్.
ఇవీ చదవండి:
