ప్రముఖ యోగా గురువు రామ్ దేవ్ బాబా చిక్కుల్లో పడ్డారు. మహిళల వస్త్రధారణ గురించి ఆయన చేసిన వ్యాఖ్యలు ఇప్పుడు మహారాష్ట్రలో దుమారం రేపుతున్నాయి. ఈ శిబిరానికి వచ్చిన మహారాష్ట్ర ఉప ముఖ్యమంత్రి దేవేంద్ర ఫడణవిస్ భార్య అమృతా ఫడణవిస్ ముందే రామ్ దేవ్ బాబా ఈ వ్యాఖ్యలు చేశారు.
ఇదీ జరిగింది.. థానేలోని పతంజలి యోగా పీఠం, ముంబయి మహిళల పతంజలి యోగా సమితి సంయుక్తంగా యోగాసైన్స్ శిబిరాన్ని నిర్వహించాయి. ఈ శిబిరానికి మహారాష్ట్ర ఉప ముఖ్యమంత్రి దేవేంద్ర ఫడణవిస్ భార్య అమృతా ఫడణవిస్ హాజరయ్యారు. ఈ యోగా శిబిరానికి మహిళలు యోగా డ్రెస్సుల్లో వచ్చారు. మహిళలకు ఏర్పాటు చేసిన యోగా శిక్షణా కార్యక్రమం ముగిసిన వెంటనే ప్రత్యేక మీటింగ్ జరిగింది. అయితే వెంట వెంటనే ఇలా కార్యక్రమాలు జరగడం వల్ల మహిళలకు చీరలు ధరించే సమయం దొరకలేదు. ఈ పరిస్థితిపై మాట్లాడిన రామ్ దేవ్ బాబా ఈ వ్యాఖ్యలు చేశారు. అయితే మహిళలనుద్దేశించి మాట్లాడూతూ.. 'మీరు చీరలు ధరించేందుకు టైమ్ లేకపోవడం వల్ల.. ఇప్పుడైనా ఇంటికి వెళ్లి చీరలు ధరించి రావచ్చు. మహిళలు చీరల్లో, సల్వార్ సూట్స్‌లో బాగుంటారని.. తన కంటికైతే మహిళలు ఏం ధరించకోపోయినా బాగుంటారు' అని వ్యాఖ్యానించారు. దీంతో రామ్దేవ్ బాబాపై ఆగ్రహ జ్వాలలు వెల్లువెత్తుతున్నాయి.
ఇవీ చదవండి : శ్రద్ధ హత్య కేసులో మరో ట్విస్ట్.. త్వరలోనే గుడ్ న్యూస్ అని.. అంతలోనే హత్య!
కోతికి 'జీవిత ఖైదు'.. ఇప్పటికే ఐదేళ్లు శిక్ష పూర్తి.. వానరం చేసిన నేరం ఇదే..
