దేశ రాజధాని దిల్లీలో షాకింగ్‌ ఘటన వెలుగులోకి వచ్చింది. ఓ అల్లరి మూక ఏకంగా పోలీస్స్టేషన్లోకి చొరబడి కానిస్టేబుల్‌పై దాడికి పాల్పడింది. పది నుంచి పన్నెండు మంది ఉన్న ఓ గ్యాంగ్ ఆనంద్ విహార్ పోలీస్స్టేషన్లోకి చొరబడి హెడ్‌కానిస్టేబుల్‌పై దుర్భాషలాడుతూ మూకదాడి చేసింది. ఈ ఘటన జులై 31న జరిగినప్పటికీ.. వీడియో ఆలస్యంగా వెలుగులోకి వచ్చింది. అయితే దాడికి సంబంధించిన వీడియోలు తాజాగా వైరల్‌గా మారాయి. దీంతో దిల్లీ డీసీపీ సత్యసుందరం స్పందించారు.
"జులై 31 అర్ధరాత్రి.. కర్కర్దుమా ప్రాంతంలో ఓ మహిళపై ఒక వ్యక్తి దాడి చేసి బంగారు గొలుసు దొంగలించినట్లు కాల్ వచ్చింది. వెంటనే రంగంలోకి దిగిన పోలీసులు నిందితుడు అజయ్ను పట్టుకున్నారు.అనంతరం ఆనంద్విహార్ పోలీస్స్టేషన్కు తరలించారు. ఆ తర్వాత అజయ్ సోదరుడి గ్యాంగ్ వచ్చి స్టేషన్లో రచ్చరచ్చ చేసింది. హెడ్ కానిస్టేబుల్ ప్రకాశ్ను చుట్టుముట్టి దుండగులు మూక దాడి చేశారు. అంతే కాకుండా వీడియో తీసి వైరల్ చేశారు."
-- డీసీపీ సత్యసుందరం
వెంటనే మిగతా పోలీసులు గాయపడిన కానిస్టేబుల్ ప్రకాశ్ను చికిత్స నిమిత్తం స్థానిక ఆస్పత్రికి తరలించారని డీసీపీ సత్యసుందరం తెలిపారు. దాడి చేసిన వ్యక్తులందరిపై కేసు నమోదు చేశామని ఆయన చెప్పారు. ఇద్దరు నిందితుల్ని అరెస్ట్ చేశామని, మిగతా వారి కోసం గాలిస్తున్నామన్నారు.
ఇవీ చదవండి: ఆ రైల్వే గేట్ తీయాలంటే.. లోకో పైలట్ ట్రైన్ దిగాల్సిందే.. ఎందుకలా?
రెండు బైక్లను బలంగా ఢీకొట్టిన స్కార్పియా.. బంపర్లో బైకర్ ఇరుక్కుని..
