అమ్మతనానికే మచ్చ తెచ్చే సంఘటన ఇది. కూతురిపై ఈగ వాలితేనే తల్లడిల్లిపోతుంది తల్లి. అలాంటిది ఓ తల్లి కన్న కూతురిపై తన ప్రియుడు అత్యాచారం చేసేందుకు అంగీకరించింది. గర్భం దాల్చటం వల్ల ఎవరికీ తేలియకూడదనే కారణంతో ఇంట్లోనే పురుడు పోసింది. పుట్టిన పాప అనారోగ్యానికి గురికాగా.. ప్రాథమిక ఆరోగ్య కేంద్రానికి తీసుకెళ్లిన క్రమంలో అసలు విషయం బయటపడింది. ఈ అమానవీయ సంఘట తమిళనాడు రాజధాని చెన్నైలో వెలుగు చూసింది.
ఇదీ జరిగింది: చెన్నైకి చెందిన 38 ఏళ్ల మహిళ.. కూలీ పనులు చేసుకుంటూ జీవనం సాగిస్తోంది. 50 ఏళ్ల వ్యక్తితో వివాహేతర సంబంధం పెట్టుకుంది. ఈ క్రమంలోనే ఆమె కుమార్తె(17)ను పెళ్లి చేసుకుంటానని చెప్పాడు ప్రియుడు. దీంతో ఆమెపై అత్యాచారం చేసేందుకు అంగీకరించింది. బాలిక గర్భం దాల్చటం వల్ల స్కూల్ మాన్పించింది. ఇంట్లోనే ఉంచి.. తన ప్రియుడితో గుట్టుగా వివాహం జరిపించింది. చుట్టుపక్కల వారికి ఎలాంటి అనుమానం రాకుండా జాగ్రత్తపడింది.
మే 1న పురిటి నొప్పులు వస్తున్నట్లు బాలిక తెలిపింది. ఆసుపత్రికి తీసుకెళితే విషయం బయటపడుతుందని ఇంట్లోనే బాత్రూమ్లో డెలివరీ చేసింది ఆమె తల్లి. శిశువు అనారోగ్యానికి గురికాగా.. చేసేదేమీ లేక ప్రాథమిక ఆరోగ్య కేంద్రానికి తీసుకెళ్లింది. శిశువు జననం, ఆమె తల్లి వివరాలను అక్కడి సిబ్బంది అడగగా.. కుమార్తె ఆధార్ కార్డు చూపించింది. ఆధార్లో బాలిక వయసును గమనించిన ఆసుపత్రి సిబ్బంది వెంటనే చైల్డ్ వెల్ఫేర్ కమిటీకి సమాచారం అందించారు.
చైల్డ్ వెల్ఫేర్ కమిటీ విచారణంలో తన ప్రియుడితో గుట్టుగా కుమార్తె వివాహం జరిపించటం, ఇంట్లోనే పురుడు పోసిన విషయం బయటపడింది. దీంతో చెన్నై పోలీసులు పోక్సో చట్టంలోని వివిధ సెక్షన్ల కింద కేసు నమోదు చేశారు. బాలిక తల్లితో పాటు ఆమె ప్రియుడిని అరెస్ట్ చేసి దర్యాప్తు చేప్టారు.
ఇదీ చూడండి: లోన్ ఆశచూపి మహిళపై అత్యాచారం.. కత్తితో బెదిరించి గ్యాంగ్రేప్!
'పిల్ల దొరికినా పెళ్లి చేయట్లేదు'.. తల్లిదండ్రులపై యువకుడి ఫిర్యాదు
