బిహార్లోని వైశాలి జిల్లాలో ఉన్న ఓ ఉన్నత పాఠశాలను మద్యం సీసాలను నిల్వ ఉంచే గోదాముగా మార్చింది లిక్కర్ మాఫియా. సమచారం అందుకున్న పోలీసులు.. వెంటనే స్కూల్కు చేరుకుని ఓ గదిలో ఉన్న 140 బాక్సుల విదేశీ మద్యం సీసాలను స్వాధీనం చేసుకున్నారు.
పోలీసుల వివరాల ప్రకారం.. జిల్లాలోని లాల్గంజ్ పోలీస్స్టేషన్ పరిధికి చెందిన బృందావన్ గ్రామంలో ఉన్న రామరాతి ఉన్నత పాఠశాలలోని ఓ గదిలో అక్రమంగా తరలిస్తున్న విదేశీ మద్యాన్ని నిల్వ ఉంచింది లిక్కర్ మాఫియా. అందుకోసం ఆ గదికి పాఠశాల యాజమాన్యం వేసిన తాళాన్ని పగలగొట్టి తమ కొత్త తాళాన్ని వేశారు స్మగ్లర్లు. అయితే హైస్కూల్ ఉపాధ్యాయుడు ఆదేశ్పాల్.. బుధవారం ఉదయం పాఠశాలకు వచ్చాక ఆ గదిని తెరవడానికి వెళ్లగా.. కొత్త తాళం ఉండటాన్ని గమనించారు.
వెంటనే పాఠశాల ప్రధానోపాధ్యాయడికి సమాచారం అందించారు. అనంతరం లాల్గంజ్ పోలీసులకు విషయాన్ని తెలిపారు. సమాచారం అందుకున్న పోలీసులు వెంటనే పాఠశాలకు చేరుకుని తాళం పగలగొట్టి చూడగా గదిలో భారీగా మద్యం నిల్వ ఉంది. దీంతో వెంటనే వాటిని స్వాధీనం చేసుకుని వ్యాన్లో స్టేషన్కు తరలించారు. కేసు నమోదు చేసిన పోలీసులు.. దర్యాప్తు చేపడుతున్నారు.
ఇవీ చదవండి:'భాజపాను గద్దె దించుతాం.. వారికి తలవంచే ప్రసక్తే లేదు'.. లాలూ ఫైర్
లాకప్లో ఖైదీ మృతి.. లైవ్లో కుప్పకూలిన స్మగ్లర్.. స్టేషన్పై గ్రామస్థుల దాడి
