ఝార్ఖండ్ ధన్బాద్ జిల్లాలో 'గ్యాంగ్స్ ఆఫ్ వాసేపుర్'(Gangs of Wasseypur) ఆగడాలు కొనసాగుతూనే ఉన్నాయి. ముఠాల మధ్య గొడవతో అక్కడి జనం బెంబేలెత్తిపోతున్నారు. తాజాగా ఇంటర్నెట్లో వైరల్గా మారిన ఓ వీడియో.. అక్కడ జరుగుతున్న అరాచకాలకు సాక్ష్యంగా నిలుస్తోంది. ఆ వీడియోలో.. ఇటీవల హత్యకు గురైన నన్హే ఖాన్ను తానే హత్య చేశానని వాసేపుర్ గ్యాంగ్స్టర్ ఫహీమ్ ఖాన్(Gangster faheem khan) అల్లుడు ప్రిన్స్ ఖాన్ చెప్పాడు.
ఫహీమ్ ఖాన్కు అత్యంత సన్నిహితుడైన నన్హే ఖాన్ బుధవారం హత్యకు(nanahe khan shot dead) గురయ్యాడు.
'ఆరు నెలల్లో అందరినీ..'
నన్హే ఖాన్ హత్య తర్వాత కొన్ని గంటలకు .. ప్రిన్స్ ఖాన్ వీడియో(Prince khan video) విడుదల చేశాడు. అందులో ఫహీమ్ ఖాన్తో కలిసి పని చేసేవారందరినీ తాను చంపుతానని ప్రిన్స్ ఖాన్ హెచ్చరించాడు. రానున్న ఆరు నెలల్లో వాసేపుర్లో తమ ప్రత్యర్థి శకం ముగుస్తుందని చెప్పాడు. ధన్బాద్లో బుధవారం పట్టపగలు నన్హేఖాన్ హత్యకు గురవ్వగా.. గ్యాంగ్స్ ఆఫ్ వాసేపుర్ నేర వ్యవహారం మళ్లీ వెలుగులోకి వచ్చింది.
తన సన్నిహితుడు లాలా హత్యకు ప్రతీకారంగానే తాను నన్హేఖాన్ను హత్య చేశానని వీడియోలో ప్రిన్స్ ఖాన్ చెప్పాడు. లాలా వ్యాపారంలో తాను పెట్టుబడులు పెట్టిన విషయం తెలుసుకుని, తన ప్రత్యర్థులు లాలాను హత్య చేశారని ప్రిన్స్ ఖాన్ ఆరోపించాడు. తన ఆస్తులను స్వాధీనం చేసుకుని తనకు హాని కలిగించేందుకు ఫహీమ్ ఖాన్ యత్నించాడని అన్నాడు. ఈ వ్యవహారం మొత్తానికి తాను సూత్రధారిని కాదని అన్నాడు. ఫహీమ్ ఖాన్కు సన్నిహితుడైన కారణంగానే తాను నన్హే ఖాన్ను హత్య చేశానని చెప్పాడు. ఇకపై ధన్బాద్లో ఫహీమ్ ఖాన్, అమన్ సింగ్ పాలనను కొనసాగనివ్వనని వీడియోలో ప్రిన్స్ ఖాన్ అన్నాడు.
ఇదీ చూడండి: కత్తులతో దోపిడీ ముఠా హల్చల్- ఛేజ్ చేసి పట్టుకున్న ఎస్పీ
