కర్ణాటక, ధార్వాడ్లోని ఎస్డీఎమ్ వైద్య కళాశాలలో కొవిడ్-19(SDM college covid outbreak) బారిన పడిన విద్యార్థుల సంఖ్య 182 కు చేరింది.
కాలేజీలో నవంబరు 17న జరిగిన ఫ్రెషర్స్ పార్టీనే కరోనా విజృంభణకు కారణమని వైద్యాధికారి నితేశ్ కె. పాటిల్ తెలిపారు. ఈ కార్యక్రమంలో విద్యార్థుల తల్లిదండ్రులు సైతం పాల్గొన్నారని వివరించారు. గురువారం మొత్తం 300 మందికి పైగా వైద్యపరీక్షలు నిర్వహించగా.. 66 మంది వైరస్ బారిన(Covid-19 karnataka) పడ్డారన్నారు. ప్రస్తుతం ఆ సంఖ్య 182కు చేరినట్లు పేర్కొన్నారు. కొవిడ్ సోకిన వారిని క్వారంటైన్లో ఉంచి చికిత్స అందిస్తున్నామని తెలిపారు. మరికొంతమంది విద్యార్థులకు శుక్రవారం పరీక్షలు నిర్వహిస్తామన్నారు. విద్యార్థుల శాంపిల్స్ను జీనోమ్ సీక్వెన్సింగ్ కోసం పంపిస్తామన్నారు. ఇప్పటికే క్యాంపస్లోని రెండు హాస్టళ్లను శానిటైజ్ చేసినట్లు తెలిపారు.
అయితే వీరందరూ పూర్తిగా టీకాలు వేసుకున్న వారే కావడం గమనార్హం. వీరెవరికీ కరోనా లక్షణాలు లేవు.
ఇదీ చూడండి: 11మంది ఉన్నతాధికారులకు కరోనా.. ఒకరు పరార్!
