Corona cases in India: 543 రోజుల కనిష్ఠానికి కరోనా కేసులు

author img

By

Published : Nov 23, 2021, 9:28 AM IST

Updated : Nov 23, 2021, 11:32 AM IST

corona cases in india

దేశంలో కరోనా కేసులు (Corona cases in India) 543 రోజుల కనిష్ఠానికి చేరాయి. కొత్తగా 7,579 మందికి వైరస్​ సోకింది. ఒక్కరోజే 12 వేల మందికిపైగా కోలుకున్నారు.

భారత్​లో కరోనా(Coronavirus update) వ్యాప్తి తగ్గుముఖం పడుతోంది. కొత్తగా 7,579 మంది​ (Covid cases in India) వైరస్​ బారిన పడ్డారు. మరో 236 మంది ప్రాణాలు కోల్పోయారు. 12 వేల మందికిపైగా కరోనా నుంచి కోలుకున్నారు.

కొత్త కేసులు భారత్​లో​ 543 రోజుల కనిష్ఠానికి చేరుకోగా.. యాక్టివ్​ కేసులు 536 రోజుల కనిష్ఠానికి దిగొచ్చాయి.

యాక్టివ్​ కేసులు మొత్తం కేసుల్లో ఒక శాతం కంటే దిగువనే ఉన్నాయి. ప్రస్తుతం 0.33 శాతం వద్ద ఉంది. 2020 మార్చి నుంచి ఇవే అత్యల్పం.

కొత్త కేసుల్లో దాదాపు సగం అంటే.. 3,698 కేరళ నుంచే ఉన్నాయి. ఆ రాష్ట్రంలో సోమవారం మరో 75 మంది చనిపోయారు.

రికవరీ రేటు 98.32 శాతానికి చేరడం గమనార్హం.

  • మొత్తం కేసులు: 3,45,26,480‬
  • మొత్తం మరణాలు: 4,66,147
  • యాక్టివ్​ కేసులు: 1,13,584
  • మొత్తం కోలుకున్నవారు: 3,39,46,749

నిర్ధరణ పరీక్షలు..

భారత్​లో నవంబరు 22న 9,64,980 కొవిడ్​ టెస్టులు నిర్వహించినట్లు ఐసీఎంఆర్​ తెలిపింది. ఫలితంగా మొత్తం కరోనా పరీక్షల సంఖ్య(India Covid test report) 633,489,239కి చేరింది.

వ్యాక్సినేషన్​..

భారత్​లో మొత్తం టీకా డోసుల(Vaccination in India) పంపిణీ 117, 63, 73, 499కి చేరింది. సోమవారం ఒక్కరోజే 71 లక్షల డోసులు పంపిణీ చేశారు.

ప్రపంచవ్యాప్తంగా..

ప్రపంచవ్యాప్తంగా రోజువారి కరోనా కేసులు (coronavirus worldwide) పెరుగుతున్నాయి. కొత్తగా 465,486 మందికి కొవిడ్​ (Corona update) పాజిటివ్​గా తేలింది. వైరస్​ ధాటికి 5,828 మంది మరణించారు. దీంతో మొత్తం కేసుల సంఖ్య 25,84,14,197కు చేరింది. మొత్తం మరణాల సంఖ్య 51,74,612కు పెరిగింది.

వివిధ దేశాల్లో కొత్త కేసులు..

  • అమెరికాలో కరోనా కేసులు భారీగా పెరిగాయి. కొత్తగా 74,156 మందికి వైరస్​ సోకగా.. మరో 516 మంది ప్రాణాలు కోల్పోయారు.
  • రష్యాలో కొత్తగా 35,681 మందికి వైరస్​ సోకింది. ఒక్కరోజే 1,241 మంది చనిపోయారు.
  • బ్రిటన్​లో కొత్తగా 44 వేల మందికి వైరస్​ పాజిటివ్​గా తేలింది. 45 మంది మృతి చెందారు.
  • టర్కీలో కొత్తగా 24 వేల మంది వైరస్​ బారిన పడగా.. 193 మంది మరణించారు.
  • జర్మనీలో కొత్తగా మరో 36,860 మందికి కొవిడ్ సోకింది. 60 మంది చనిపోయారు.
  • ఫ్రాన్స్​లో 5 వేల కొత్త కేసులు నమోదయ్యాయి. మరో 94 మంది ప్రాణాలు కోల్పోయారు.

ప్రధానికి కరోనా..

బెల్జియం నుంచి తిరిగివచ్చిన ఫ్రాన్స్​ ప్రధాని (France prime minister) జీన్​ కాస్టెక్స్​ కరోనా బారిన పడ్డారు. ఈ మేరకు అధికారులు సోమవారం ప్రకటించారు. 10 రోజుల పాటు ఆయన ఐసోలేషన్​లో ఉండనున్నట్లు స్పష్టం చేశారు.

ఇవీ చూడండి: భార్యకు ప్రేమతో.. అచ్చం తాజ్​మహల్ లాంటి ఇల్లు కానుక

Zika Virus: విస్తరిస్తున్న జికా వైరస్‌- మేలుకోకుంటే ముప్పే!

Last Updated :Nov 23, 2021, 11:32 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.