సీబీఐ కోర్టులో వైఎస్ వివేకా కేసు అప్రూవర్ దస్తగిరి పిటిషన్పై విచారణ వాయిదా
CBI Court on Viveka Case Approver Dastagiri petition: మాజీమంత్రి వైఎస్ వివేకా హత్య కేసులో నిందితుడిగా ఉన్న దస్తగిరి పిటిషన్పై విచారణను సీబీఐ కోర్టు ఈ నెల 20కి వాయిదా వేసింది. తనను నిందితుల జాబితా నుంచి తొలగించి.. సాక్షిగా పరిగణించాలని దస్తగిరి గతవారం పిటిషన్ దాఖలు చేశారు. దీనిపై కౌంటర్లు దాఖలు చేయాలని ప్రతివాదులకు కోర్టు నోటీసులు జారీ చేసింది.
Dastagiri Petition in CBI court: కానీ ఇవాళ మిగతా నిందితుల తరఫు న్యాయవాదులు కౌంటర్లు దాఖలు చేయలేదు. కాస్త సమయం కావాలని కోర్టును కోరడంతో.. దీనిపై విచారణను ఈ నెల 20కి సీబీఐ కోర్టు వాయిదా వేసింది. వివేకా హత్య కేసు(YS Viveka Murder Case)లో దస్తగిరి ఏ-4 నిందితుడిగా ఉన్నారు. అప్రూవర్గా మారడంతో మొదటి ఛార్జిషీట్లో సీబీఐ అధికారులు తన పేరును సాక్షిగా చేర్చారని.. దీన్ని పరిగణలోకి తీసుకోవాలని దస్తగిరి పిటిషన్(Dastagiri Petition)లో కోరారు.
