MPP Raghunatha Reddy Attack on Farmer : అన్యాయంపై ప్రశ్నించినందుకు, అక్రమాలను వెలికి తీసినందుకు తనపై వీరపునాయునిపల్లి ఎంపీపీ రఘునాథరెడ్డి దాడి చేశారని రైతు, అన్యాయంపై న్యాయపోరాటం చేస్తున్న నాగప్రసాద్ వాపోయాడు. తుపాకీతో బెదిరించి, అనుచరులతో కలిసి గాయపరిచాడని తెలిపాడు. వైఎస్సార్​ జిల్లా వీరపునాయునిపల్లి మండలంలో ఎంపీపీ రఘునాథరెడ్డి, అతడి అనుచరులు సాగిస్తున్న అక్రమాలు అనేకం అని తెలిపాడు. ఆన్​లైన్​ ప్రక్రియను అడ్డం పెట్టుకుని, తహసీల్దార్​తో కుమ్మక్కై గుట్టలు అన్యాక్రాంతం చేస్తున్నాడని, భూములు చెరబట్టారని వివరించాడు. ఇసుక అక్రమ రవాణా కుంభకోణం పెద్ద ఎత్తున సాగుతోందని చెప్పాడు. ఎంపీపీ హోదాలో అవినీతికి పాల్పడడంతో పాటు.. బొగ్గు బట్టీలు నడుపుతున్నాడని తెలిపాడు. ఈ మేరకు ప్రొద్దుటూరు సరోజన ఆస్పత్రిలో చికిత్స పొందుతున్న నాగప్రసాద్.. అవుట్ పోస్ట్ పోలీసులకు లిఖితపూర్వకంగా ఫిర్యాదు చేశాడు.

ఎంపీపీ కుంభకోణాలు వెలికితీస్తున్న తనపై.. హత్యాయత్నానికి పాల్పడ్డారు. గన్​తో చంపడానికి ప్రయత్నించి.. దొరికిపోతాననే భయంతో రాడ్డుతో చంపాలని ప్రయత్నించారు. -నాగప్రసాద్, బాధితుడు

భూములను దక్కించుకునేందుకు అసైన్​మెంట్​ కమిటీలో తనకు ఇష్టం వచ్చినట్లు ఎంపీపీ వ్యవహరిస్తున్నారని, ఆయనతోపాటు శివాంజనేయరెడ్డి, అనిమల శ్రీనివాసులురెడ్డి, బుసిరెడ్డి రామాంజనేయులు రెడ్డి సహా మరి కొందరు అనుచరులందరూ తన ఇంటిపై దాడి చేశారని పేర్కొన్నాడు. మహిళలను కూడా చూడకుండా అసభ్య పదజాలంతో మాట్లాడి తన తల్లి, చెల్లెలిపై దాడి చేశారని ఫిర్యాదులో పేర్కొన్నాడు. ఇప్పటికైనా అధికారులు వారిపై తగిన చర్యలు తీసుకోవాలని ఇలాంటి చర్యలకు పాల్పడకుండా చూడాలని విన్నవించాడు.

ఇవీ చదవండి :

• పిల్లలు పుట్టడం లేదని మహిళపై క్షుద్ర పూజలు.. శ్మశానంలో కూర్చోబెట్టి, అస్థికలు తినిపించిన భర్త
• ఆ ఇద్దరి వల్లే జబర్దస్త్ మానేశానన్న అనసూయ
• వాటిని కొనసాగించడం అక్రమమే కదా..? రాష్ట్ర ప్రభుత్వంపై హైకోర్టు కన్నెర్ర