Robbery in Train: వాళ్ల ప్లాన్ అదుర్స్.. ఎవరూ లేని ప్లేస్లో ట్రైన్ ఆపి..!
Published: May 20, 2023, 11:40 AM
Robbery in Train: వాళ్ల ప్లాన్ అదుర్స్.. ఎవరూ లేని ప్లేస్లో ట్రైన్ ఆపి..!
Published: May 20, 2023, 11:40 AM
Robbery in Tirupati Guntur Express: ఆ దొంగలు మహా తెలివి ఉన్నోళ్లు. దొంగతనం చేయడానికని ముందుగానే రైలు ఎక్కారు. రైలు కొంతదూరం ప్రయాణించిన తర్వాత పోలీసులు గస్తీ ఉండదని తెలుసుకుని ఓ ప్లేస్లో రైలును ఆపారు. అనుకున్నదే తడవుగా సుమారు 20 నుంచి 25 మంది దుండగులు కిటీకి పక్కనే ఉన్న వారిని ముఖ్యంగా మహిళలను టార్గెట్ చేసి మెళ్లో ఉన్న బంగారు ఆభరణాలను లాక్కెళ్లారు. కొందరు ప్రతిఘటించిన ఫలితం లేకపోయింది. ఈఘటన కడప జిల్లాలో జరిగింది.
Robbery in Tirupati Guntur Express: దొంగలు కూడా తెలివిమీరుతున్నారు. ఎక్కువ శాతం రైల్లో దోపిడీలకు పాల్పడుతున్నారు. అయితే రైల్వే స్టేషన్లో దొంగతనాలకు పాల్పడితే పట్టుకుంటారని.. తెలివిగా ప్రవర్తించి ప్రయాణికులతో పాటుగా కొంతదూరం వెళ్లి వారికి అనువైన ప్రదేశం రాగానే అనుకున్న పని మొదలుపెడతారు. అందిన కాడికి దోచుకుని పనైపోగానే పారిపోతారు. తాజాగా ఇలాంటి ఘటనే కడప జిల్లాలో జరిగింది.
తిరుపతి-గుంటూరు ఎక్స్‌ప్రెస్‌లో శుక్రవారం అర్ధరాత్రి దోపిడీ దొంగలు బీభత్సం సృష్టించారు. తిరుపతి నుంచి గుంటూరు వెళుతుండగా.. అర్ధరాత్రి ఒక్కసారిగా బోగీల్లో ఉన్న దొంగలు రెచ్చిపోయారు. ప్రయాణికులను బెదిరించి అందినకాడికి లాగేసుకున్నారు. శుక్రవారం రాత్రి తిరుపతిలో రైలు 7గంటల 30 నిమిషాలకు బయల్దేరాల్సి ఉంది. కానీ ఓ గంట లేట్గా స్టార్ట్ అయ్యింది. అప్పటికే అందులోకి ఎక్కిన దొంగలు కడప జిల్లా కమలాపురం రైలు నిలయం దాటిన తర్వాత ఓ సిమెంటు ఫ్యాక్టరీ సమీపంలో రాత్రి 11గంటల 30నిమిషాల ప్రాంతంలో రైలును ఆపారు. వెంటనే లోపల ఉన్న 20 నుంచి 25 మంది వరకు దుండగులు ఒక్కసారిగా ఎస్‌1 నుంచి ఎస్‌6 వరకు ఉన్న బోగీల్లో కిటీకీల పక్కన ఉన్న ప్రయాణికులను లక్ష్యంగా చేసుకుని దోపిడి స్టార్ట్ చేశారు. ముఖ్యంగా మహిళా ప్రయాణికుల బంగారు ఆభరణాలను అందిన కాడికి లాక్కుని పారిపోయారు. రైల్లో కొందరు ప్రయాణికులు ప్రతిఘటించే యత్నం చేయగా వారిపై దాడులు చేశారు. ఎస్‌3 బోగీలో నలుగురు మహిళల బంగారు ఆభరణాలు లాక్కెళ్లేందుకు దుండగులు ప్రయత్నించగా.. ముగ్గురు ప్రతిఘటించిగా.. ఒకరి మెడలోని బంగారు గొలుసు లాక్కెళ్లారు.
రైలు ఎర్రగుంట్ల రైలు నిలయానికి చేరుకున్న అనంతరం పోలీసులకు బాధితులు ఫిర్యాదు చేశారు. ప్రొద్దుటూరులో పోలీసులు బోగీల్లో బాధితుల నుంచి ఫిర్యాదు తీసుకున్నట్లు తెలుస్తోంది. ఈ రైలుకు తిరుపతి నుంచి ఎర్రగుంట్ల వరకు పోలీసుల గస్తీ ఉండదని.. ఎర్రగుంట్ల నుంచి గుంటూరు వరకు పోలీసు భద్రత ఉంటుందని.. ఆ విషయం తెలిసిన వ్యక్తులే దోపిడీకి పాల్పడ్డారని పోలీసులు అనుమానిస్తున్నారు. ఏకంగా 20 నుంచి 25 మంది దొంగలు దోపిడీకి రావడం ఇప్పుడు చర్చనీయాంశమైంది. పక్కా ప్లాన్ ప్రకారం చోరీకి పాల్పడ్డారా అనే అనుమానాలు సైతం రేకెత్తుతున్నాయి. గతంలో కూడా రైళ్లలో దోపిడీలు జరిగాయి. రైల్వే పోలీసులతో భద్రతను పెంచాలని ప్రయాణికులు కోరుతున్నారు. దోపిడీ విషయాన్ని తెలుసుకున్న కడప రైల్వే సీఐ నాగార్జున, ఎస్ఐ రారాజు ఘటనా స్థలానికి చేరుకుని పరిశీలించారు. ఈ ఘటనపై కేసు నమోదు చేసి దర్యాప్తు చేస్తున్నట్లు తెలిపారు.
ఇవీ చదవండి:
