Papagni River:కమలాపురంలో పాపాగ్ని నదిపై కూలిన వంతెన

author img

By

Published : Nov 21, 2021, 9:20 AM IST

Updated : Nov 21, 2021, 11:18 AM IST

కమలాపురంలో పాపాగ్ని నదిపై కూలిన వంతెన

కడప జిల్లా కమలాపురంలో పాపాగ్ని నది(Papagni River)పై ఉన్న వంతెన కూలింది. కమలాపురం, వల్లూరు మార్గ మధ్యలోని వంతెన అర్ధరాత్రి తర్వాత కూలడంతో రాకపోకలకు తీవ్ర అంతరాయం ఏర్పడింది.

కమలాపురంలో పాపాగ్ని నదిపై కూలిన వంతెన

రెండు రోజులుగా కురుస్తున్న వర్షాలకు కడప జిల్లా కమలాపురంలో పాపాగ్ని నది(Papagni River)పై ఉన్న వంతెన కూలింది(bridge collapsed). కమలాపురం, వల్లూరు మార్గ మధ్యలోని వంతెన అర్ధరాత్రి తర్వాత కూలడంతో రాకపోకలకు తీవ్ర అంతరాయం ఏర్పడింది. వెలిగల్లు జలాశయం నాలుగు గేట్లు ఎత్తేయడంతో భారీగా వరద నీరు వంతెనపై అంచు వరకు రెండు రోజులుగా ప్రవహించడంతో వంతెన బాగా నాని నిన్న సాయంత్రం నుంచి కుంగుతూ వస్తోంది.

ఏడు మీటర్లకు పైగా వంతెన కూలడం(bridge collapsed)తో కిలోమీటర్‌ దూరంలో వాహనాలు నిలిపేశారు. అనంతపురం నుంచి కడపకు వెళ్లే జాతీయ రహదారి కావడంతో కడప నుంచి తాడిపత్రి వెళ్లే ఆర్టీసీ బస్సులు, ఇతర వాహనాలను ప్రొద్దుటూరు, ఎర్రగుంట్ల, మైదుకూరు మీదుగా దారి మళ్లిస్తున్నారు. ఈ మార్గంలో రాకపోకలను పునరుద్ధరించడానికి నెల రోజుల సమయం పట్టే అవకాశం ఉందని ఇంజినీరింగ్‌ అధికారులు చెబుతున్నారు.

ఇదీ చదవండి: 'భారత్​లో రెండంకెల వృద్ధీ సాధ్యమే...'

Last Updated :Nov 21, 2021, 11:18 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.