BAR OPEN AT EARLY MORNING : మందుబాబులు ఆత్రంగా ఎదురు చూసేది.. బార్​లు ఎప్పుడు తెరుస్తారా .. ఉదయం 10 గంటలూ ఎప్పుడవుతుందా అని. అయితే కోడి కూయక ముందే బార్​లు ఓపెన్​ చేస్తారని తెలిస్తే.. షాపుల ముందు క్యూ కట్టేస్తారు. అసలు తెల్లవారుజామున ఎందుకు తెరుస్తారు అని డౌట్​ వచ్చిందా. మీ డౌట్​కి క్లారిఫికేషన్​ ఇది చదివితే వస్తుంది.

సీఎం వైఎస్ జగన్మోహన్ రెడ్డి సొంత ఇలాక పులివెందులలో తెల్లవారుజామునే బార్​లు తెరుస్తున్నారు. నియోజకవర్గంలోని వేంపల్లె పట్టణంలో తెల్లవారుజామునే బార్​లో మద్యం అమ్మకాలు కొనసాగుతున్న అధికారులు పట్టించుకోకపోవడం పలు విమర్శలకు దారి తీస్తుంది. ప్రభుత్వ నిబంధనలకు విరుద్ధంగా తెల్లవారు జామునే బార్​లు ఓపెన్ చేస్తున్న ఎందుకు కళ్లు మూసుకుంటున్నారో అర్థం కావడం లేదనే ఆరోపణలు వస్తున్నాయి. అయితే షాపు యాజమాని.. ఎక్సైజ్ అధికారులను ప్రసన్నం చేసుకోవడం వల్లే మద్యం అమ్మకాల దందా కోడి కూయక ముందే నడుస్తుందనే ఆరోపణలు ఉన్నాయి.

ఈ ఆరోపణలు నిజం చేస్తూ వేంపల్లి పట్టణంలోని పులివెందుల రోడ్​లో ఉన్న బార్ నిర్వాహకులు ఇష్టారాజ్యంగా మద్యం అమ్మకాలు జరుపుతున్నారు. ఇక నైనా ఎక్సైజ్ అధికారులు కళ్లు తెరిచి తెల్లవారుజామునే మద్యం అమ్మకాలు చేస్తున్న బార్​షాపులపై చర్యలు తీసుకోవాలని ప్రజలు కోరుతున్నారు. మరి ఈ బార్ షాపుపై ఎక్సైజ్ అధికారులు చర్యలు తీసుకుంటారా… లేక ప్రజల అనుమానాలను నిజం చేస్తారో తెలియాలంటే వేచి చూడాల్సిందే.

ఇవీ చదవండి:

• ఉందిలే మంచి కాలం.. మహిళల క్రికెట్‌కు పెరుగుతున్న ఆదరణ
• ఇళ్లు ఖాళీ చేయకపోతే.. కరెంట్, నీళ్లు నిలిపివేస్తాం.. ! ఆందోళనలో భోగాపురం నిర్వాసితులు
• బిడ్డ పుట్టగానే చేయాల్సిన పనులివే!.. ఆరోగ్యమైన శిశువు కోసం చిట్కాలు..